Әһли Бејт (әлејһимус-сәлам) Хәбәр Аҝентлији –АБНА-нын вердији хәбәрә әсасән, Үмүдүнја Әһли Бејт (ә) Ассамблејасынын нәшријјаты тәрәфиндән “KORANENS IMMUNITET MOT FORVRENGING”- “Гуран Кәрим тәһриф олунмајыб” адлы китаб Норвеч дилиндә чап олунуб.
Бу китаб “Әһли Бејт (әлејһимус сәлам) Мәктәбиндә”- (Әрәб дилиндә: في رحاب أهل البیت علیهم السلام) мәҹмуәсинә аид олан китаблардан биридир. 40 ҹилддән ибарәт олан бу мәҹмуәдә Шиә Мәзһәбинә даир ән әһәмијјәтли шүбһәләрә ҹаваб верилиб.
Гејд олунан китабын мүәллифләри Сејјид Әбдүл Рәһим Мусәви вә Әбүлфәзл Ислами ҹәнабларыдырлар. Китабы Норвеч дилинә тәрҹүмә едән исә Әли әл-Һәким ҹәнабларыдыр.
“Гуран Кәрим тәһриф олунмајыб” үнванлы китабы һабелә Үмүмдүнја Әһли Бејт (ә) Ассамблејасынын Мәдәнијјәт ишләри үзрә мүавинлијинин тәрҹүмә офиси тәрәфиндән јохланылараг Ассамблејанын чапханасы тәрәфиндән чапа верилиб.
Китабын бејнәлхалг стандарт нөмрәси (İSBN) 2-539-529-964-978. Китаб 2020-ҹи илдә, 92 сәһифәдә чап олунуб.
Гејд едәк ки, Үмүмдүнја Әһли Бејт (ә) Ассамблејасы вә бу Ассамблејаја бағлы бүтүн дүнјадакы мүәссисәләр бу ҝүнә кими 2000 үнван китабы дүнјанын 60 мүхтәлиф дилиндә чап едибләр.
Дүнја халгларынын мүхтәлиф дилләринә тәрҹүмә олунан китабларын бир гисмини әлдә етмәк үчүн “Үмүмдүнја Әһли Бејт (ә) Ассамблејасынын Диҹитал Китабханасы”-на мүраҹиәт етмәк үчүн бураја тыклаја биләрсиниз.
Хәбәрин сону/ 101
Диггәт: Хәбәрдән Истифадә Етдикдә Мәнбәјә Истинад Лазымдыр!
