АБНА24 Хәбәр Верир, Сәид Хәтибзадә Теһранда кечирдији мәтбуат конфрансында Иранын гәти сијасәтинин АБШ-ын 2231 сајлы гәтнамә чәрчивәсиндәки өһдәликләринә там гајытмасы олдуғуну бәјан едәрәк, дејиб: "Тәләсмирик вә јоруҹу бир ојуна да ҝирмәјәҹәјик, АБШ-ын нүвә анлашмасына гајытмасы бирдәфәлик, гәти вә јохланылмалы олмалыдыр". Хәтибзадә Иран вә АБШ-ын мәһбус мүбадиләси барәдә разылыға ҝәлдикләри хәбәри барәдә гејд едиб ки, мәһбуслар мәсәләси һуманист бир мәсәләдир вә бу мөвзу нүвә анлашмасы вә онунла әлагәдар диҝәр мөвзуларда олан бүтүн мүзакирәләр вә каналларын хариҹиндә изләнилир. Иран Хариҹи Ишләр Назирлијинин сөзчүсү сонра Әфганыстандакы инкишафлар вә хариҹи һәрбчиләрин бу өлкәдән чыхарылмасы барәдә дејиб: "Әфганыстандакы инкишафлары јахындан изләјирик вә реҝионал актјорларла мәсләһәтләширик. Әфганыстанда баш верәнләрдән нараһатыг вә бу өлкәдә сүлһ вә сабитлик јаратмаг үчүн әлимиздән ҝәләни едәҹәјик. Әфганыстан һөкумәти вә диҝәр групларла әлагә сахлајырыг ". Хәтибзадә Иран илә Сәудијјә Әрәбистаны арасындакы данышыглар вә рәсми әлагәләрин гурулмасы үчүн ҹидди аддымларын атылмасы һагда да дејиб ки, Иран һәмишә бүтүн гоншулары, о ҹүмләдән Әрәбистанла истәнилән форматда вә сәвијјәдә данышыглара һазырдыр.
342/
