АБНА24 Хәбәр Верир, Һәзрәт Ајәтуллаһүл-узма Хаменеи дејиб: Сечкиләр сөзүн әсл мәнасында мүһүм бир фүрсәтдир. Вә халгы ондан мәјус етмәк јанлышдыр. Алдадыҹы вәдләр верилмәмәли вә намизәдләр өз платформаларыны тәгдим етмәлидирләр. Зира сечкиләр дөвләтчилијимизин тәмәлләрини мөһкәмләдир. О һәзрәтин сөзләринә ҝөрә, халг сәһнәјә ҝәләрсә, һеч бир ҝүҹ өлкәни тәрпәдә билмәз. Сечкидә иштирак едән әслиндә өлкәнин вә ҝәләҹәјин талејини дүшүнүр. Бу сәбәбдән кимсә сечкиләрин әһәмијјәтини шүбһә алтына алмамалыдыр. Ингилаб Рәһбәри билдириб: Бүтүн сечкиләримиз азад вә әдаләтли олуб. Вә ҹүзи позунтуларын нәтиҹәдә тәсири олмајыб. Әманәтә хәјанәт һеч бир сечкидә мүтләг баш вермәјиб. Буна ҝөрә дә јалан јерә иттиһам етмәк әхлагијјата зиддир, иғтишаш исә ҹинајәтдир. Һәзрәт Ајәтуллаһүл-узма Хаменеи гејд етмишләр ки, бәзи сөзләр АБШ-ын иддиаларынын тәкрарыдыр. Мәсәлән америкалылар чохдандыр Иранын нүфузундан хејли нараһатдырлар. Шәһид Сүлејманидән буна ҝөрә шикајәтләнирдиләр. Вә бу сәбәбдән дә ону шәһид етдиләр. Гүдс бригадасы вә Шәһид Сүлејмани һагда данышаркән диггәтли олсунлар. Гүдс бригадасы инсафән Гәрби Асијада дипломатијамызын активлијинә өз төһфәсини вермишдир. Ингилаб Рәһбәри даһа сонра Гүдс бригадасынын кечмиш командири Шәһид Сүлејманинин террор едилмәсинә тохунараг сөјләјиб: Ону тәһдид етмишдиләр ки, сәни гәтлә јетирәҹәјик. О да достларына демишди ки, мәни дағларда-дүзләрдә ахтардығым шејлә һәдәләјирләр. Белә фәдакар инсанларымыз вар. Ингилаб Рәһбәри өлкәнин һазыркы хариҹи сијасәтинин етибарлы гурулмасына тохунараг билдириб: Гәрблиләр Иранын сијасәтини өз чәтирләри алтына апармаг истәјирләр. Гаҹарларын сонларында вә Пәһләви дөнәминдә Иранын сијасәтинә онлар нәзарәт едирдиләр. Ислам ингилабы бу вәзијјәти дәјишди вә инди бу просеси дәјишмәјә чалышырлар. Иранын Чин вә Русија илә әлагәләринә хор бахмалары да бундан мәншә алыр. Һәзрәт Ајәтуллаһүл-узма Хаменеи сөһбәтинин давамында Иранын тәһсил системиндән данышыб. “Иранда тәлим-тәрбијә дүзҝүн гурулуб. Вә мүәллимләримиз өлкәнин инкишафынын забитләридирләр. Онлар бу ролу дәрк етдикдә, мәсулијјәт дә һисс едәҹәкләр. Чүнки мүәллимлик олдугҹа дәјәрли ишдир”-дејә Ингилаб Рәһбәри вурғулајыб. Алимәгамлы Рәһбәр һәмчинин фәһлә ҝүнү илә әлагәдар бунлары дејиб: Иранда фәһләләр һимајә олунмалыдыр, јени иш јерләри ачылмалыдыр. Фәһләнин әлини Аллаһ вә онун Пејғәмбәри севир. Пејғәмбәримиз фәһләнин әлини өпдү. Истеһсал фәһләнин әмәји илә мүмкүн олур. Онларын Ислам Республикасынын бојнунда һаглары вардыр. О һәзрәтин фикринҹә, фәһләни һимајә етмәк милли сәрвәти һимајә етмәкдир. Бу милли сәрвәт өлкәјә етибар газандырыр. Белә исә онларын пешә тәһлүкәсизлијини тәмин етмәк лазымдыр. Ингилаб Рәһбәри гејд едиб ки, санксијалары зәрәрсизләшдирмәјин ән јахшы јолу милли истеһсалы ҝүҹләндирмәкдир. Әҝәр дүшмән истеһсал сајәсиндә санксијаларын тәсирсиз олдуғуну ҝөрәрсә, ону ләғв етмәјә мәҹбур олаҹагдыр.
342/
