АБНА24 Хәбәр Верир, Әһмәд Әл-Сәһаф бу ачыгламада әлавә едиб:"Иран Хариҹи Ишләр Назири Мәһәммәд Ҹавад Зәриф, Ираглы һәмкары Фуад Һүсејни илә ҝөрүшмәк вә ики өлкә арасындакы мүнасибәтләрин ҝенишләндирилмәсини мүзакирә етмәк үчүн бу ҝүн, базар ертәси Бағдада сәфәр едәҹәк. Иран Хариҹи Ишләр Назири Гәтәр сәфәрини баша вурдугдан сонра бу ҝүн Базар ертәси Доһадан Ирагын пајтахты Бағдада јола дүшәҹәк. Иран хариҹи ишләр назири Ирага ики ҝүнлүк сәфәри заманы ираглы һәмкары вә бу өлкәнин мәсул шәхсләри илә ҝөрүшүб данышыглар апараҹаг. Сәфәри заманы һәмчинин Зәриф Ираг Күрдүстанынын јерли рәсмиләри илә дә ҝөрүшәҹәк. Иран Ислам Республикасынын Бағдаддакы сәфири Ирәж Мәсҹиди шәнбә ҝүнү ахшам бир Тwиттер месажында Иран хариҹи ишләр назиринин Бағдада сәфәрини ики өлкә вә халглары арасындакы әлагәләри ҝүҹләндирмәк үчүн бир фүрсәт олараг характеризә едиб. "Ираг да дахил олмагла гоншу өлкәләрлә әлагәләрин ҝенишләндирилмәси вә дәринләшдирилмәси һәмишә Иран Ислам Республикасынын приоритетләриндән бири олмушдур" дејә Ирәж Мәсҹиди Тwиттер месажында јазыб. Зәриф Ирагдан әввәл Гәтәрдә олуб вә бу өлкә рәсмиләри илә мүһүм ортаг вә реҝионал мәсәләләр, һабелә Иранын 4+1 групу илә данышыглары мүзакирә едилиб.
342/
