АБНА24 Хәбәр Верир, Ассоҹиатед Пресс мәлуматлы мәнбәләрә истинадән вердији хәбәриндә, бу сәфәрин мәгсәдинин хүсуси антитеррор бөлмәләринин мәсулијјәтинин Әфганыстана неҹә тәһвил верилмәси олдуғуну јазыб. Хәбәрә ҝөрә, Әфганыстанын јүксәк сәвијјәли һәрби рәсмиси, МКИ тәрәфиндән тәлим алыныб вә тәҹһиз олунмуш алты антитеррор бөлмәсиндән икисинин артыг Әфганыстан тәһлүкәсизлик гүввәләринә тәһвил верилдијини сөјләјиб. АБШ медиасы да МКИ-нин Бернсин сәфәри илә бағлы шәрһ вермәси үчүн едилән тәләби рәдд етдијини билдириб. Мәлуматлы мәнбәләрә ҝөрә, МКИ рәһбәринин сәфәри кечән һәфтә ҝизли едилиб вә Бернс Әфганыстан рәсмиләрини АБШ-ын бу өлкәдә терроризмә гаршы мүбаризә ишләрини дәстәкләмәјә давам едәҹәјинә әмин едиб. МКИ директорунун Әфганыстан һансы рәсмиси илә ҝөрүшдүјү бәлли дејил, анҹаг Әфганыстанын АБШ әсҝәрләрини чыхармаг һазырлығынын мүзакирә олундуғу дејилир. МКИ Әфганыстанда ҝизли шәкилдә антитеррор бөлмәләри һазырламыш вә тәҹһиз етмишдир вә онлардан мүхтәлиф әмәлијјатларда истифадә етмишдир. Һал-һазырда бу гүввәләрдән 6-сы Кунар, Пактиа, Гәндәһар, Кабил, Хост вә Нангарһарда јерләшдирилиб вә бу гүввәләрин идарәси Әфганыстан һөкумәтинә тәһвил верилмәлидир. Бундан әввәл президент Бајден Әфганыстандан АБШ әсҝәрләринин тамамилә чыхарылаҹағыны елан едәрәк, Әфганыстана һүҹумун ән ваҹиб һәдәфинин өз әразиләриндән АБШ-а гаршы террор әмәлијјатларынын гаршысыны алмаг олдуғуну сөјләјиб. Дејерлер.орҝ
342/
