АБНА24 Хәбәр Верир, Иранын хариҹи ишләр назири Мәһәммәд Ҹавад Зәриф, Тwиттер һесабында Бағдаддакы бир хәстәханада баш верән партлајышла әлагәдар пајлашым едәрәк, јазыб: "Гардаш вә дост Ираг халгына, дөвләтинә вә хәстәләрин мүалиҹә олундуғу Ибнүл-Хәтиб хәстәханасында баш верән фаҹиәли һадисәдә һәлак оланларын аиләләринә башсағлығы верирәм". Иран Хариҹи Ишләр Назирлијинин сөзчүсү Сәид Хәтибзадә дә Бағдаддакы Ибүл-Хәтиб хәстәханасында баш верән һадисә илә әлагәдар Ираг халгына вә һөкумәтинә башсағлығы вериб вә һәјатыны итирәнләрин аиләләринә башсағлы вериб вә һадисә нәтиҹәсиндә хәсарәт аланлара тәҹили шифа дилејиб. Иранын сәһијјә назири Сәид Нәмәки дә ираглы һәмкары Һәсән Тәмимијә мүраҹиәт үнванлајараг, Ираг халгы вә дөвләтинә башсағлығы вериб. Нәмәки, Бағдадда јашанан ағрылы һадисәдә Ирагын сәһијјә ишчиләри вә вәтәндашларындан бир нечәсинин өлдүјү вә јараландығы хәбәрини дәрин һүзнлә өјрәндикләрини ифадә едиб вә һадисә гурбанларынын аиләләри вә јахынларынын кәдәрини бөлүшүб. Гејд едәк ки, дүнән ахшам саатларында Бағдадда коронавируса јолуханларын мүалиҹәси үчүн ајрылмыш хәстәханада јанғын баш вериб. Һадисә нәтиҹәсиндә 28 нәфәр һәјатыны итириб.
342/
