АБНА24 Хәбәр Верир, "Мәһәммәд Ҹавад Зәриф" бу ҝүн сәһәр (базар ертәси) Индонезија Хариҹи Ишләр Назири Ретно Мерсуди илә ҝөрүшүб. Иран вә Индонезија арасындакы јетмиш иллик достлуг әлагәләринә тохунан Хариҹи Ишләр Назири, бу өлкәнин Тәһлүкәсизлик Шурасындакы 2231 сајлы гәтнамәни һәјата кечирмәк вә Әһатәли Мүштәрәк Тәшәббүс Програмынын горунунмасы үчүн принсипиал мөвгеләрини јүксәк гијмәтләндириб. Зәриф, ики өлкә арасындакы тиҹарәт әлагәләринин һәҹминин артмасындан мәмнунлуғуну ифадә едиб. О һәмчинин ики өлкә арасындакы тиҹарәт әлагәләринин бөјүк тутумуна ишарә едәрәк ҝүзәштли тариф мүгавиләсинин сона чатмасыны сүрәтләндирмәји вә Иран тәрәфинин мүзакирәләри давам етдирмәјә һазыр олдуғуну вурғулады. Индонезија Хариҹи Ишләр Назири Ретно Мерсуди дә игтисади саһә дахил олмагла ики өлкәнин мүнасибәтләринин достлугла инкишаф етдијини јүксәк гијмәтләндириб вә тәрәфләрин бирҝә тиҹарәт комиссијасы вә мүзакирә олунан разылашмалар јолу илә ики өлкә арасындакы тиҹарәт әлагәләрини асанлашдыраҹағына үмидвар олдуғуну билдирди. Бејнәлхалг һүгугу һимајә вә Әфганыстандакы сүлһ просесиндәки сон инкишафлар барәдә фикир мүбадиләси, ҝөрүш заманы Иран Ислам Республикасы вә Индонезија Хариҹи Ишләр Назирләри тәрәфиндән мүзакирә едилән диҝәр мөвзулар иди. Мәһәммәд Ҹавад Зәриф икитәрәфли мүнасибәтләрин вә дипломатијанын инкишафы чәрчивәсиндә дүнән (базар-18 Апрел) Ҹакартаја сәфәр едиб.
342/
