АБНА24 Хәбәр Верир, АБШ-да баш верән силаһлы инсидентләри гејдә алан гејри-коммерсија арашдырма групу олан "Силаһла Зоракылыг Архиви" порталы Твиттер-дә јазыб: "Сон ҝүнләрдә вә һәфтәләрдә истәр вәтәндашларын полис гүввәләри тәрәфиндән өлдүрүлмәси олсун, истәрсә дә мүлки вәтәндашлар тәрәфиндән иҹтимаи јерләрдә төрәдилән одлу силаһла зоракылыг һаллары олсун, силаһлы инсидент далғасы АБШ-ы бүрүјүбдүр. Мәлумата әсасән, АБШ-да јанвар ајында 34, феврал ајында 40, март ајында 45 вә апрел ајында 31 өлүмҹүл атәш ачма гејдә алыныб. "Силаһла Зоракылыг Архиви"нин тәрифинә әсасән, өлүмҹүл атәш ачма, һүҹумчудан башга дөрд вә ја даһа чох инсанын өлдүјү вә ја јараландығы бир һадисәдир. Тәкҹә базар ҝүнү Висконсин вә Техасдакы ики атышмада алты нәфәр һәјатыны итириб. АБШ президенти Ҹо Бајден даһа әввәл һүҹум силаһларынын дашынмасына гадаға гојулмасынын ҹидди тәрәфдары олдуғуну билдириб. Бу истигамәтдә феврал ајынын орталарында Флорида штатындакы орта мәктәбдә баш верән атышманын илдөнүмү мүнасибәтилә етдији чыхышда, Конгреси, "Сағлам дүшүнҹә" әсасында силаһ ҝәздирмә ганунуна дүзәлиш етмәјә чағырыб. Бу елә бир һалдадыр ки, Бајден администрасијасы өлкәдә одлу силаһла зоракылыг һалларынын артмасыны тәнгид етсә дә, бу ҝүнә гәдәр онун дашынмасыны мәһдудлашдырмаг үчүн гәтијјәтли бир аддым атмајыб.
342/
