АБНА24 Хәбәр Верир, Рафаел Гросси дүнән, шәнбә ҝүнү, мүәјјән һиссәләри хариҹи медиалара сызмыш мәрузәсиндә белә гејд едиб: Аҝентлик бу иши Нәтәнз јанаҹаг зәнҝинләшдирмә сајтындакы ЫР-4 вә ЫР-6 типли ики сентрифуга шәлаләсинә ејни вахтда беш фаизәдәк зәнҝинләшдирилмиш У-235 типли «уран фториди» газыны вурмагла һәјата кечириб. Мәрузәдә дејилир: Иранын билдирдијинә ҝөрә, уран фторидинин халислик сәвијјәси әлли беш там онда үч фаиз олуб. Аҝентлик Иран тәрәфиндән елан олунмуш халислик сәвијјәсини мүстәгил шәкилдә јохламаг үчүн истеһсал олунмуш уран фторидиндән нүмунә ҝөтүрүб. Иран Ислам Шурасы Мәҹлисинин сәдри Моһәммәд Багер Галибаф ҹүмә ҝүнү өз твиттер һесабында белә гејд етди: Теһран вахты илә өтән ҝеҹә јарысы, сәһәр саат 00-40 дәгигәдә вә Сејјидушшуһәда(ә) зијарәти ҝеҹәсиндә ҝәнҹ вә мөмин иранлы алимләр алтмыш фаизлик зәнҝинләшдирмәјә малик олан уран мәһсулуну әлдә етмәјә мүвәффәг олдулар. Иранын сон гәрары, сионист режимин Нәтәнздәки тәхрибатчы һәрәкәти вә нүвә терроризминә ҹаваб олараг, гәбул едилибдир. Нәтәнз зәнҝинләшдирмә тәсисатларынын електрикпајлама шәбәкәсинин бир һиссәсиндә баш верән бу һадисә фонунда гејд едәк ки, өтән шәнбә ҝүнү милли нүвә технолоҝијасы ҝүнүнүн он бешинҹи илдөнүмүндә Иран президентинин ҝөстәриши илә Нәтәнз модерн сентрифугалар монтажы мәркәзи ачылды вә јени нәсилдән олан сентрифуга машынларына газын вурулмасы вә ЫР-доггуз сентрифугасынын механики тести башланды.
342/
