АБНА24 Хәбәр Верир, АБШ Дөвләт Департаменти тәрәфиндән јајылмыш бәјанатда гејд олунур ки, сәнәд Шанхајда Америка президентинин иглим мәсәләләри үзрә хүсуси тәмсилчиси Ҹон Керринин чинли һәмкары Се Чженһуа илә ҝөрүшүндән сонра разылашдырылыб. “АБШ вә Чин бүтүн ҹиддилији илә вә тәҹили шәкилдә һәлл едилмәли олан иглим бөһраны мәсәләсиндә бир-бири илә вә дүнјанын диҝәр өлкәләри илә чалышмагда садигдирләр. АБШ вә Чин Парис сазишинин реаллашдырылмасы мәсәләсиндә бирҝдә ишләмәкдә вә башга өлкәләрлә дә әмәкдашлыг етмәкдә гәти гәрарлыдырлар”, - сәнәдин мәтниндә белә дејилир. Вашингтон вә Пекин хүсусилә планетдә истилик артым сәвијјәсини 2 дәрәҹәдән ашағы сахламаг вә бу рәгәми 1,5 дәрәҹәјәдәк мәһдудлашдырмаг нијјәтиндәдир. Тәрәфләр, һәмчинин 22-23 апрел тарихләриндә АБШ-ын малијјәләшдирдији иглим саммитинин виртуал форматда кечирилмәсини дә алгышлајыблар.
342/
