АБНА24 Хәбәр Верир, Әли Әкбәр Салеһи дүнән ахшамчағы Иранын биринҹи телеканалынын «Биринҹи бахыш» верилишиндә шәнбә ҝүнү тәгдим олунараг, истифадәјә верилән Иранын нүвә саһәсиндәки сон наилијјәтләрини шәрһ едиб. Салеһи бу һагда белә дејиб: Истифадәјә верилән 133 наилијјәтин башлыҹа һиссәси нүвә јанаҹағы дөвријјәсинә гајыдаҹаг ки, онун әсас һиссәси дә зәнҝинләшдирмәјә аиддир. О, ган фондуна лазым олан вә тәгдим едилән хас сентрифугалара тохунараг, белә сөјләјиб: Бу сентрифугалар чох баһа гијмәтә Алманијадан сатын алынмалы иди ки, биз чох јүксәк кејфијјәтлә онлары истеһсал едә билдик. Коронавирус ваксини үчүн лазым олан тәҹһизатлардан биринин сентрифуга олдуғуну дилә ҝәтирән Салеһи билдириб ки, Иранын Атом Енержиси Тәшкилаты өз ширкәтләриндән бири васитәсилә коронавирус ваксини истеһсал едән дахили ширкәтләрдән бири үчүн сентрифуга истеһсал едиб. «Он беш нөвә јахын сентрифугамыз вар» дејән Әли Әкбәр Салеһи сөјләјиб: Бу ҝүн ЫР-6 үзрә мүкәммәл һалганы ишә салдыг, һалбуки једди-сәккиз ил бундан сонра ишә салынмалы идик. Тезликлә Фордо-да даһа ики ЫР-6 шәлаләси истифадәјә верилмәлидир. Салеһи сонра дејиб: Бизим сентрифуга монтажы салонумузу дүшмән партлатды, лакин ҝери дүшмәдик вә салону јаратдыг. Дағын гәлбиндә. Салеһи даһа сонра сөјиләјиб: Иран зәнҝинләшдирмә саһәсиндә бу технолоҝијанын астанасына чатыб. Бизим әкс-мүһәндислијә еһтијаҹымыз јохдур; өзүмүз лајиһәләшдирәҹәјик.
342/
