АБНА24 Хәбәр Верир, «Жапон Тајмс»ын мәлуматына ҝөрә, Јапонија һөкумәти коронавирусун јајылмасынын гаршысыны алмаг мәгсәдилә буилки јај олимпија ојунлары мүсафирләринин сајыны азалтмаг мәсәләсини арашдырмагдадыр. Јај олимпија ојунларынын кечирилмәси үчүн отуз мин нәфәрдән ибарәт хариҹи командаларын үзвләри, мәшгчиләр вә идманчыларын да дахил олдуглары тәгрибән дохсан мин нәфәрин Јапонијаја ҝәләҹәји ҝөзләнилир. Амма јерли һөкумәт јарышларла бирбаша шәкилдә әлагәләри олмајан мүсафирләрин сајыны јарыјадәк азалтмаг истәјир. Јапонија һөкумәти хариҹи тамашачыларын олимпија вә паралимпија ојунларында иштиракларыны гадаған едиб. Бунунла белә, һөкумәт бу ојунларын кечирилмәси һагда үмуми дәркә наил олмаг үчүн диҝәр ҹидди аддымлар атмаг гәрарына ҝәлиб. Коронавирус пандемијасына ҝөрә, 2020-ҹи ил Токио олимпија ојунларынын бириллик тәхири илә бу јарышлар ҹари ил ијулун 23-дән августун 8-дәк, паралимпија ојунлары исә августун 24-дән сентјабрын бешинәдәк кечириләҹәк.
342/
