АБНА24 Хәбәр Верир, СәһәрАзәринин вердији мәлумата ҝөрә, Иран Ислам Республикасы илә Чин Халг Республикасы арасында 25 иллик план кими танынан һәртәрәфли әмәкдашлыг планынын сәнәди бу ҝүн (шәнбә-27 март) ҝүнортадан сонра ики өлкә хариҹи ишләр назирләри, Мәһәммәд Ҹавад Зәриф вә Ванҝ Ји тәрәфиндән имзаланды. Иран-Чин дипломатик мүнасибәтләринин 50-ҹи илдөнүмүндә иранлы һәмкарынын дәвәти илә 26-март ҹүмә ҝүн Теһрана ҝәлән Чин Хариҹи Ишләр Назири, бу ҝүн Мәһәммәд Ҹавад Зәрифлә бирликдә Дөвләт Департаментинин Сијаси вә Бејнәлхалг Арашдырмалар Мәркәзиндә Иран- Чин сәнәдләри сәрҝисинин ачылышыны да етди. Чин хариҹи ишләр назири һәмчинин бу ҝүн Ислам Ингилабынын Бөјүк Рәһбәринин мүшавири Әли Лариҹани илә дә ҝөрүшдү. Лариҹани илә ҝөрүшдә ики өлкә арасындакы тарихи вә достлуг әлагәләринә тохунан Ванҝ Ји һәртәрәфли стратежи тәрәфдашлыг чәрчивәсиндә әмәкдашлығын ваҹиблијини вурғулады вә ики өлкә арасында һәртәрәфли стратежи әлагәләр програмынын јекунлашмасындан разылыг едәрәк билдирди: Өлкәсинин Иран Ислам Республикасы илә әләагәләри ҝүнүн шәртләриндән тәсирләнмәјәҹәк, лакин галыҹы вә стратежи олаҹагдыр. Әли Лариҹани дә бу ҝөрүшдә вурғулады: Иран Ислам Республикасы өлкәләрлә мүнасибәтләринә мүстәгил олараг гәрар верир вә бәзи өлкәләр кими телефон данышыглары илә мөвгеини дәјишмир.
342/
