АБНА24 Хәбәр Верир, ки, Иранын Бакыдакы сәфири Теһран-Бакы әлагәләринин инкишафы үчүн һеч бир сијаси манеәнин олмадығыны вурғулајыб. Сејјед Әббас Моусәви Иран палатасынын бејнәлхалг мәсәләләр мүавинлијинин Азпрома илә иҹласында дејиб: Иран вә Азәрбајҹан Республикасынын тиҹарәт һәҹми ики өлкә мүнасибәтләринин шәнинә сығышмыр. О, сонра дејиб: Азәрбајҹан Республикасы әразисинин ијирми фаизи азад едилиб. Биз бу гәнаәтдәјик ки, Иран илә Азәрбајҹан Республикасынын игтисади әлагәләр һәҹминә минимум ијирми фаиз әлавә олунмалыдыр. Хүсусән она ҝөрә ки, ики өлкәнин ирадәси, әлагәләрин ҝенишләндирилмәсинә әсасланыр. Моусәви вурғулајыб: Әлагәләрин инкишафы үчүн һеч бир сијаси манеә јохдур. Үмид едирик ки, ики өлкәнин өзәл секторларынын әзмкарлығы илә мүнасибәтләрин инкишафынын шаһиди олаҹағыг. Иранын Бакыдакы сәфири дејиб: Азәрбајҹан Республикасынын инфраструктурлары Иранын ширкәтләри вә өзәл секторунун бу өлкәдә иштиракыны гәбул етмәјә һазырдырлар.
342/
