АБНА24 Хәбәр Верир, Дәјәрләр .орҝ-јә истинадән хәбәр верир ки, Гантз шәхси Твиттер сәһифәсиндә, Нетанјаһунун Иорданија вәлиәһдинин Әл-Әгса мәсҹидини зијарәт етмәк үчүн Гүдсә ҝетмәсинин гаршысыны алмаг үчүн вердији әмрә истинад едәрәк, белә јазыб: “Онун һәрәкәтләри сијаси разылашмалары позур вә Исраил режиминин хариҹи сијасәт системиндән кәнара чыхмаг вә гәрар гәбулетмә системини зәифләтмәк ҹәһдидир”. Гантз, һәмчинин Исраил режиминин баш назиринин әсас кабинет үзвләри илә мәсләһәтләшмәдән гәрар вердијини дејәрәк, белә гејд едиб: “Нетанјаһунун гәрарлары Исраил режиминин дејил, өз марагларынын горунмасына әсасланыр”. Иорданијанын хариҹи ишләр назири Әјмән Әс-Сәфади Иорданија вәлиәһдинин Әл-Әгса мәсҹидинә ҝирмәсинә гадаға гојулдуғуну вә бу аддымын Исраил режиминин баш назиринин БӘӘ-јә сәфәринин ләғви илә үст-үстә дүшдүјүнү хәбәр вердикдән сонра белә демишди: “Вәлиәһд, Мераҹ ҝеҹәсиндә намаз гылмаг үчүн Әл-Әгса мәсҹидинә ҝетмәк истәди. Исраил режими илә координасија етдик. Сон анда Исраил режими разылашмадан ҝери чәкилди вә Гүдс халгыны о мүгәддәс ҝеҹәдә даһа да мәһдудлашдыраҹаг тәдбирләр ҝөрмәјә чалышды. Вәлиәһд бу сәфәрә ҝетмәмәјә гәрар верди”.
342/
