АБНА24 Хәбәр Верир, үч Авропа өлкәсинин анти-Иран гәтнамәсинин МАГАТЕ-нин директорлар шурасынын иҹласында верилмәси просеси дајаныб. Вә Иранын аҝентликдәки нүмајәндәси бу гәтнамә лајиһәсинин тәгдим олунмасыны тәхрибатчы вә гејри-конструктив бир һәрәкәт адландырыб. Иранын аҝентликдәки нүмајәндәси дејиб: Бу јазышмалар вә мәшвәрәтләрдә директорлар шурасына үзв өлкәләрә лазыми хәбәрдарлыглар етдик. Билдирдик ки, һәр һансы гәтнамәнин гәбул олунмасы, Иран илә аҝентлијин сон бирҝә анлашмасы да дахил олмагла икитәрәфли һәмкарлыгларда бөјүк тәсир бурахаҹаг; бу да һәмин анлашманын битмәси һесаб олунаҹаг. Гәтнамәнин Иранла иш просесини позаҹағыны һесаб едән Атом Енержиси үзрә Бејнәлхалг Аҝентлијин баш директоту Рафаел Гросси бир мәтбуат конфрансында иштирак едәрәк, ҝәлән ај нәзарәт разылашмасы илә бағлы мәсәләләр барәдә Иранла техники иҹласын кечириләҹәјиндән хәбәр вериб. Р. Гросси дејиб: "Иранла сых мүшавирәләримиз олду. Иран нәһајәт мәним тәшәббүсүмү алгышлады вә гәбул етди ки, јердә галан бәзи мәсәләләрин ајдынлашмасы мәгсәдилә тәмәркүзләшмиш вә системли бир сәјдә иштирак етсин". Гәрибабади бу барәдә белә дејиб: Иран илә аҝентлијин техники данышыглары Иран вә аҝентлијин ади техники иҹласлары вә анлашмаларынын давамыдыр вә ики тәрәф нәзарәт разылашмасы бәһсләри барәдәки өз дәјәрләндирмәси һагда сөһбәт едәҹәк. Иранын Атом Енержиси үзрә Бејнәлхалг Аҝентликдәки нүмајәндәси үч Авропа өлкәсинә вә Америкаја төвсијә етмишди ки, мөвҹуд фүрсәтләрдән истифадә едәрәк, санксијаларын ләғви үчүн өз өһдәликләринин там вә тәсирли иҹрасына гајытсынлар.
342/
