АБНА24 Хәбәр Верир, Сејјед Рәсул Моһаҹер дејиб: Коронавирусун јајылмасына ҝөрә, бир чох өлкәләрин игтисади инкишафы дурғунлугла үзләшиб, лакин Иранын Аврасија Бирлијинә үзв өлкәләрлә тиҹарәт әлагәләри инкишаф едибдир. О, Аврасија Бирлијинә үзв өлкәләрин дөвләт башчыларынын Иран Ислам Республикасы илә азад тиҹарәт разылашмасы үзрә гәрарындан хәбәр вериб вә белә гејд едиб: Иранын азад тиҹарәт разылашмасынын иҹра едилмәси үчүн бу бирлијә үзв өлкәләрлә мүзакирәләри тезликлә башланаҹаг. Иран хариҹи ишләр назиринин игтисади дипломатија мәсәләләри үзрә мүавининин дедијинә ҝөрә, мүбадилә едилән сијаһылара әсасән, Иран илә Аврасија Бирлијинә үзв өлкәләр арасында азад тарифләр бәргәрар едиләҹәк. Аврасија игтисади бирлијинин тәшкили үзрә мүгавилә 2014-ҹү ил мајын 29-да Русија, Беларус вә Газахыстан арасында имзаланды вә бу бирлик Аврасија ҝөмрүк бирлијинин јерини тутду. Сонра Ермәнистан вә Гырғызыстан да она үзв олдулар.
342/
