АБНА24 Хәбәр Верир, буну Ермәнистанын екс-президенти Роберт Көчәрјан дејиб. О, Республикачылар Партијасынын бу аксијада мүхалифәт һәрәкатынын бир һиссәси кими чыхыш етдијини билдириб. Көчәрјан, һәмчинин Пашинјанын һакимијјәтә ҝәлмәсиндә Сәркисјанын ҝүнаһкар олмасыјла бағлы суала ҹаваб вермәкдән јајыныб: “Бу просесләрә ҝәтириб чыхаран (2018-ҹи илә) проблемләр олуб. Лакин ајдындыр ки, бурада технолоҝијалар тәтбиг едилиб, актив шәкилдә ермәни олмајан гүввәләрин хариҹи мүдахиләси олуб”. О, ҝенералларын һакимијјәтә гаршы сәбирли даврандығыны да билдириб: “Һәрби чеврилиш сөзүндән горхмаг лазым дејил. Тарихдә һәрби чеврилишләрин дөвләтчилији вә игтисадијјатын инкишафыны горумаг үчүн имкан јаратмасыјла бағлы һаллар аз олмајыб”. Көчәрјан буна нүмунә кими Ҹәнуби Кореја вә Мисири ҝөстәриб. Бунунла белә о, сөзләринин һансыса тәрәфә јозулмамасыны тәләб едиб. Екс-президент Гарабағда әдаләтсиз сүлһүн јени саваша сәбәб олаҹағыны дејиб. О, мүһарибәнин Минск Групу јох, һөкумәтин уғурсузлуғунун нәтиҹәси олдуғуну сөјләјиб: “Минск Групу һазырда лазымдыр. О, Русијаја да лазымдыр. Гарабағын статусу барәдә данышыгларын һансы истигамәтдә ҝедәҹәјини демәк чәтиндир. Дүнја тәҹрүбәси ҝөстәрир ки, һәддән артыг әдаләтсиз сүлһ узун мүддәт давам етмир”. Көчәрјан мүһарибә заманы Москваја ҝедиб Путинлә ҝөрүшүнүн алынмамасына һакимијјәтин сәбәб олдуғуну билдириб. О, һөкумәтин бу ҝөрүшүн баш тутмамасы үчүн коронавирус тестини гәсдән мүсбәт чыхардығыны да иддиа едиб.
342/
