АБНА24 Хәбәр Верир, бу барәдә АИ-нин јајдығы сәнәддә билдирилиб. АИ Русијанын Баш прокурору Игор Краснов, Истинтаг Комитәсинин рәһбәри Александр Бастыркин, Ҹәзалара Нәзарәт үзрә Федерал Хидмәтин рәһбәри Александр Калашников вә “Росгвардија”нын рәиси Виктор Золотова санксија тәтбиг едиб. Сәјаһәт гадағасы вә һесабларын дондурулмасыны өзүндә еһтива едән санксијалар бу ҝүндән гүввәјә минир. Бундан әлавә, АИ-дәки шәхсләрин вә тәшкилатларын, бирбаша вә ја долајы јолла санксија тәтбиг олунанлары вәсаитлә тәмин етмәси гадағандыр. Русија Дөвләт Думасы вә Федерасија Шурасы АИ-нин јени санксијаларына мүнасибәт билдириб. Думанын бејнәлхалг мәсәләләр үзрә комитәсинин сәдр мүавини Алексеј Чепа санксијалары нонсенс адландырыб. Федерасија Шурасынын бејнәлхалг мәсәләләр үзрә комитәсинин сәдр мүавини Владимир Ҹаббаров исә өлкәсинин бу санксијалара ҹаваб вермәли олдуғуну вурғулајыб: “Бу ҹаваб санксијалары Авропа Иттифагы өлкәләринин һәр биринә аид олаҹаг”.
342/
