АБНА24 Хәбәр Верир, Мәҹид Тәхте Рәванчи вурғулајыб ки, Американын нүвә анлашмасына гајытмасынын асан јолу, онун бу анлашмадакы өһдәликләрини там шәкилдә јеринә јетирмәсидир. Әлҹәзирә информасија каналына мүсаһибә верән Тәхте Рәванчи Бирләшмиш Штатларын нүвә анлашмасындан чыхдығыны хатырладыб вә белә гејд едиб: Бајден һөкумәти бир чох һалларда билдирибдир ки, Бирләшмиш Штатлар нүвә анлашмасына гатылаҹаг, амма индијәдәк бу өлкәнин нүвә анлашмасы гаршысындакы сијасәтиндә һеч бир дәјишиклијин шаһиди олмамышыг. Мәҹид Тәхте Рәванчи билдириб ки, мүзакирәнин програмы вә иш ҝүндәми олмалы, һәмчинин әввәли илә ахыры бәлли олмалыдыр. О, дејиб: Бизҹә лазым олан мәсәлә будур ки, Америка БМТ Тәһлүкәсизлик Шурасынын 2231 сајлы гәтнамәсинә вә нүвә анлашмасына әсасән, өз өһдәликләрини јеринә јетирмәк барәдә гәрара ҝәлмәлидир. Бурајадәк, Америка 2231 сајлы гәтнамәнин вә нүвә анлашмасынын позуҹусу олмагда давам едир. Иранын БМТ-дәки даими нүмајәндәси «Ҝөрән, санксијаларын азалдылмасы, нүвә анлашмасына гајыдышын бир һиссәси анламына ҝәлә биләрми?» суалынын ҹавабында дејиб: Конкрет олараг, санксијалар бу анлашманын бир һиссәси олараг, арадан галдырылмалы идиләр ки, Иран да там шәкилдә өз өһдәликләринә әмәл етмиш олајды. О, «Иранын аддымлары ҝәрҝинлијин шиддәтләнмәсинә сәбәб олмајаҹагмы?» суалына исә белә ҹаваб вериб: Бизим атдығымыз аддымлар ҝәрҝинлијин шиддәтләнмәсинә сәбәб ола билмәз. Трамп һөкумәти нүвә анлашмасындан чыхмаг гәрарына ҝәләркән анлашмадакы јердә галан тәрәфләр биздән Трампын мөвгејинә бәнзәр мөвге тутмамағымызы истәдиләр. Дедиләр ки, Трамп һөкумәтинин нүвә анлашмасындан чыхмасына ҝөрә, бизим хәсарәтимизи өдәјәҹәкләр. Биз бир ил ҝөзләдик, амма онларын вәди бош бир вәд олараг, бизә һеч бир шеј нәсиб етмәди. Тәхте Рәванчи МАГАТЕ мүфәттишләринин сајынын азалмасы барәдә исә белә сөјләјиб: Иранын аҝентлијин мүфәттишләрини говмасы барәдәки фикир дүз дејил. Биз гәрара алдыг ки, әлавә протоколу јеринә јетирмәјәк, амма ејни заманда, нүвә силаһларынын јајылмамасы мүгавиләси- НПТ-нин үзвүјүк.
342/
