АБНА24 Хәбәр Верир, Лејла Абдуллајева Ермәнистан ХИН-ин нүмајәндәсинин Азәрбајҹан Республикасынын Президентинин мәтбуат брифингиндә сөјләдикләринә даир шәрһи барәдә дејиб: Азәрбајҹан Республикасынын Президентинин јерли вә хариҹи медиа нүмајәндәләри үчүн кечирдији мәтбуат конфрансы заманы сөјләдикләри, о ҹүмләдән мүнагишә сонрасы мәрһәләдә бөлҝәдә тәһлүкәсизлик вә әмин-аманлыға наил олунмасы үчүн гуруҹулуг вә әмәкдашлыг перспективләриндән данышдығы һалда, Ермәнистан тәрәфинин бунун әксинә јөнәлән позуҹу јанашмасы вә агрессив риторикасы рәсми Ирәванын мәнфур нијјәтини ачыг шәкилдә нүмајиш етдирир. Онун сөзләринә ҝөрә, әҝәр Ермәнистан өз ХИН нүмајәндәсинин сөјләдији кими ордусунун мүасирләшдирилмәси илә реваншизм мөвгејиндән чыхыш едирсә, бу өлкә он илликләрлә давам едән тәҹавүз вә ишғалын дүшмәнчилик вә нифагдан башга нәтиҹә вермәдијини һәлә дә анламырса вә јахын кечмишдә баш вермиш һадисәләрдән нәтиҹә чыхармырса, халгынын тәһлүкәсиз вә тәрәгги долу ҝәләҹәјинин үзәриндән өз әли илә хәтт чәкир. Вәтән мүһарибәсинин сүбут етдији кими,Азәрбајҹан һәр заман бејнәлхалг сәрһәдләри чәрчивәсиндә суверенлији вә әрази бүтөвлүјүнү тәмин етмәјә һазырдыр вә бу хүсусда мејдана ҝәлә биләҹәк һәр һансы тәһдидләрин гәтијјәтлә гаршысыны алмаға гадирдир", - дејә Лејла Абдуллајева әлавә едиб.
342/
