АБНА24 Хәбәр Верир, бу ҝүн Ројан Институтунда үч тәдгигат вә терапевтик лајиһә тәгдим олунду. Бу комплексдә ҝен терапијасы мәһсулларынын ишә салынмасы вә истеһсалы үчүн « Кара 19», илк мәһсул кими нәзәрдә тутулуб. Кара, ҝенләри ағ ган һүҹејрәләринә көчүрмәк васитәсилә хәрчәнҝ һүҹејрәләрини ашкар вә мәһв едән бир һүҹејрә мәһсулудур. Трансҝенез ковја сичаны: Бу лајиһәдә инсан ҝени сынаг сичанына өтүрүлүр вә бу һејванда вирус инфексијаларына кечириҹилик јараныр. Белә ки, бу һејван моделиндә хәстәлијин кәскин шәраитини симулјасија етмәк олар. Бејин шишләри олан хәстәләрдә иммун һүҹејрәләри: Бу арашдырмада хәстәнин аилә үзвләриндән биринин иммун һүҹејрәләри ајрылыр вә өлдүрүҹү тәбии һүҹејрәләр ҝүҹләндирилир ки, шиш һүҹејрәләрини һәдәфә ала билмиш олсунлар. Әбдолһоссејн Шаһверди, Ројан тәдгигат институтунун директору: Үмид едирәм ки, ҝәлән ил биз бу лајиһәләрин һеч олмаса бир мәрһәләсини баша чатдыраҹағыг. Мәнә елә ҝәлир ки, тәдгигат лајиһәләри пешәкарлыг сәвијјәсинә чатыблар. Ројан Институтунун тәдгигатчыларындан бири: Индијәдәк хәрчәнҝ хәстәлији илә бағлы ҹәрраһијјә, радиасија терапијасы вә кимјәви терапија мөвҹуд олуб. Лакин әсас һүҹејрәләрдән сонра јени бир гол мејдана ҝәлди; о да хәрчәнҝин бәдәнин иммун һүҹејрәләри илә мүалиҹә едилмәсидир. Доктор Һәмидреза Тәјјеби, «Ҝәнҹләр Еви»нин директору: Иншааллаһ, тиббин диҝәр саһәләриндә јени елми-техники наилијјәтләрин тәгдиматынын шаһиди олаҹағыг. Белә олан һалда, игтисадијјатымыз милли истеһсала сөјкәнән стартап бир игтисадијјат, истеһсалымыз исә елм вә технолоҝијанын инкишафына сөјкәнән бир истеһсал олаҹаг. Сорена Сәттари, елм вә технолоҝија үзрә витсе-президент: Иншааллаһ, һамынызын уғур газанмасы вә Ројан-ын илбәил ирәлиләјишини ҝөрмүш олаг.
342/
