АБНА24 Хәбәр Верир, Спутник Хәбәр Аҝентлијинин мәлуматына әсасән, президенти февралын 23-дә Низами Ҝәнҹәви Бејнәлхалг Мәркәзинин һәмсәдрини видеоформатда гәбулу заманы дејиб: "Азәрбајҹан бејнәлхалг һүгугу бәрпа едиб, фактики олараг реҝионда вә дүнјада јени реаллыглар јарадыб. Зәннимҹә, мүһарибәдән сонра чох конструктив јанашма нүмајиш етдиририк. Дүшүнүрәм ки, бу реаллыглар узунмүддәтли олаҹаг. Азәрбајҹан дөвләт башчысы гејд едиб ки, Дағлыг Гарабағ мүнагишәси сона чатыб. О, артыг тарихин бир һиссәсинә чеврилиб вә әразиләрин јенидән гурулмасы планлашдырылыр. Чүнки һәр шеј мәһв олуб. Ағдамда, Фүзулидә, азад едилмиш диҝәр әразиләрдә, кәндләрдә, шәһәрләрдә бир бина белә галмајыб. Һәр шеј, тарихи абидәләр дағыдылыб. Јенидәнгурма ишләри апармаг үчүн чохлу тәдбирләр ҝөрүлмәлидир. О сонра дејиб: "хариҹи дипломатлар, бејнәлхалг медианын нүмајәндәләри ишғалдан азад олунмуш әразиләри зијарәт едәндә һесаб едирәм ки, онлар ишғал нәтиҹәсиндә бизим тарихи абидәләримизин, мәдәни абидәләримизин нә вәзијјәтә салындығыны һәгигәтән ҝөрүрләр. Бизим әразиләри ишғал едәнләр һәр шеји мәһв едибләр."
342/
