АБНА24 Хәбәр Верир, Февралын 20-дә икинҹи Гарабағ мүһарибәсиндән сонра ермәниләр ханкәндидә русијалы сүлһмәрамлыларын ҝөзләри өнүндә илк күтләви тәдбирләрини кечирибләр. Онлар 33 ил әввәл Гарабағда сепаратчылығн әсасыны гојан гәрарын илдөнүмүнү гејд едибләр. Һәмин вахт Азәрбајҹан ССР-и Дағлыг Гарабағ Мухтар Вилајәтинин Халг Депутатлары Советинин нөвбәдәнкәнар сессијасы кечирилиб вә вилајәтин Азәрбајҹан тәркибиндән чыхарылараг Ермәнистанын тәркибинә кечмәсинин леһинә сәс верилиб. Азәрбајҹанда һесаб едирдиләр ки, 44 ҝүнлүк мүһарибәни удузмуш сепаратчыларын белә бир тәдбир кечирмәси мәнасыздыр. Лакин Ермәнистанын Хариҹи Ишләр Назирлији тәрәфиндән јајылан бәјанатда дејилир ки, “миатсум” шүары илә кечирилән бајрам тәдбири ҝуја Гарабағ ермәниләринин өз мүгәддәратларыны ифадә етмәләринин тәнтәнәсидир. Азәрбајҹан Хариҹи Ишләр Назирлијиндән исә бу ачыгламаја ҹаваб олараг билдириб ки, һазырда бејнәлхалг һүгугун бәргәрар олундуғу, ишғал факторунун арадан галдырылдығы вә һәрби әмәлијјатлара сон гојулмасы илә бағлы разылыг әлдә олундуғу бир вахтда рәсми Ирәванын јенидән халгларарасы нифагы гызышдыран ачыгламаларла чыхыш етмәси Ермәнистан рәһбәрлијинин дағыдыҹы тәфәккүрүнүн ҝөстәриҹисидир. Бу арада ән чох диггәт чәкән мәсәлә Гарабағ ермәниләринин миатсум јүрүшүнү кечирмәләринә Русија сүлһмәрамлыларынын ҝөз јуммасы вә бәлкә дә шәраит јаратмаларыдыр. Ејни заманда Русија илә јанашы диҝәр ики һәмсәдр дөвләт олан АБШ вә Франсанын да сејрчи мөвгедә галмалары Азәрбајҹан иҹтимаијјәтиндә һиддәт доғурмушдур. Политолог Шаһин Ҹәфәрли бу барәдә өзүнүн фаҹебоок сәһифәсиндә јазыр: Русија ҝөстәрмәлидир ки, проблем һәлә давам едир, сүлһмәрамлылар да елә о сәбәбдән бурдадыр. Диҝәр тәрәфдән, унутмајаг ки, Русија еләҹә дә Гәрбдә бир чох чеврәләр ермәни сепаратизмини леҝитим сајыр. Путин Гарабағ мөвзусунда сонунҹу бир нечә чыхышында һадисәләрин Сумгајытдакы ермәни гырғынлары илә башладығыны, Гарабағдакы ермәниләрин өз ләјагәтләрини горумаг үчүн силаһа сарылдыгларыны вурғулајыб. Бу исә о демәкдир ки, бу хәмир һәлә гејри-мүәјјән мүддәт су апараҹаг. Бөлҝәдә коммуникасијаларын Русијанын нәзарәти вә модерасијасы алтында ачылмасы да Москванын ҝеосијаси марагларына ујғундур вә онун узунмүддәтли планларындан хәбәр верир. Хүсусилә дә Путин өтән ҝүнләрдә гапалы бир ҝөрүшдә 2020-ҹи илдә постсовет мәканында Русијанын мөвгеләрини ҝүҹләндирмәјә наил олмасыны өзүнүн ән бөјүк наилијјәтләри сырасында гејд едиб. Беләликлә дә сүлһмәрамлыларын мүшајиәти илә Ханкәндидә кечирилән јүрүш өз-өзлүјүндә хејли мәтләбләрдән хәбәр верир вә Гарабағла бағлы ҹидди еһтималлары ортаја гојур.
342/
