АБНА24 Хәбәр Верир, Саһибә Гафарова Азәрбајҹан Республикасы вә Иран парламентләри сәдрләринин гаршылыглы сәфәрләри вә имзаланан сәнәдләри ики өлкә әлагәләринин ҝенишләнмәсиндә ваҹиб сајыб. Билдириб ки, ардыҹыл сијаси диалоглар ики өлкәнин игтисади, мәдәни вә һуманитар анлашмаларына мүсбәт тәсир ҝөстәрибдир. Азәрбајҹан Республикасы милли мәҹлисинин сәдри өлкәсинин Иран Ислам Республикасы илә парламентләрарасы әлагәләринин ваҹиблијини вурғулајыб. Гафарова һәмчинин Иранын Азәрбајҹан Республикасынын әрази бүтөвлүјүнү һимајә етмәсинә ҝөрә, тәшәккүр едиб. Иран Ислам Шурасы Мәҹлисинин милли тәһлүкәсизлк вә хариҹи сијасәт комиссијасынын сәдри Моҹтәба Зуннур да бу ҝөрүшдә дејибдир ки, Иран Ислам Республикасы мүхтәлиф саһәләрдә Азәрбајҹан Республикасы илә әлагәләрини дәринләшдирмәјә мараглыдыр. Зуннур Иранын Азәрбајҹан Республикасынын азад олунмуш әразиләринин миналардан тәмизләнмәсиндә, еләҹә дә бу өлкәнин дини мәканларынын бәрпасы вә абадлыг ишләриндә иштирак етмәјә һазыр олдуғуну билдириб. Чәршәнбә ахшамы ҝүнү Бакыја дахил олмуш Иран Ислам Шурасы Мәҹлисинин нүмајәндә һејәтинин үзвләри һәмчинин Азәрбајҹан Республикасынын хариҹи ишләр назири, бу өлкәнин коррупсија илә мүбаризә, мүдафиә вә тәһлүкәсизлик мәсәләләри комиссијаларынын үзвләри вә Нахчыван рәсмиләри илә ҝөрүшүбләр.
342/
