АБНА24 Хәбәр Верир, Һәзрәт Мәһәммәдин (с) пејғәмбәрлијә сечилдији ҝүн, јәни "мәбәс" бајрамы вә "бесәт" ҝүнү (27 Рәҹәб) "Дүнја Гуран Ҝүнү" кампанијасы башладылаҹаг. Бу барәдә Кәрбәлада Имам Һүсејн (ә) һәрәминин Дарул-Гуранил-Кәрим Идарәси мәлумат вериб. Имам Һүсејн (ә) һәрәминин Дарул-Гуранил-Кәрим Идарәсинин вердији мәлумата ҝөрә, 1442-ҹи һиҹри-гәмәри илинин Рәҹәб ајынын 27-дә кечириләҹәк "Дүнја Гуран Ҝүнү" кампанијасы үчүн хүсуси комитәләр јарадылмышдыр. Дарул-Гуранил-Кәрим Идарәсинин рәиси Шејх Һәсән әл-Мәнсури дејиб: Бу кампанија елә бир вахтда кечирилир ки, мүсәлман милләтләри чох чәтин бир бөһранла үз-үзәдирләр вә буна ҝөрә дә Гуранла даһа сых әлагәдә олмаларына еһтијаҹ вар. О әлавә едиб: "Дүнја Гуран Ҝүнү" кампанијасынын кечирилмәси үчүн Ирагын дахилиндә вә хариҹдә олан Гуран мүәссисәләри вә мүгәддәс дини мәканларын идарә һејәтләри илә лазым олан данышыглар апарылыб.
342/
