АБНА24 Хәбәр Верир, мәлуматда дејилир ки, гондарма гурумун президенти Арајик Арутјунјан Ермәнистан Милли Тәһлүкәсизлик Хидмәтинин директору полковник Армен Абазјан вә Русија сүлһмәрамлы континҝентинин команданы ҝенерал-лејтенант Рүстәм Мурадов илә бирликдә Азәрбајҹанын рәсми нүмајәндәси илә ҝөрүшүб. Гондарма гурум президентинин мәтбуат катиби Лусине Аванесјанын вердији мәлумата ҝөрә, ҝөрүш сүлһмәрамлыларын нәзарәтиндә олан әразидә баш тутуб. Мәһкумларын гајтарылмасы, иткин дүшмүш шәхсләрин ахтарышы вә диҝәр һуманитар мәсәләләр мүзакирә едилиб. Бундан әлавә 90-ҹы илләрин мүһарибәси заманы итән инсанларын талеји илә бағлы мәсәләләр дә мүзакирә едилибдир. Рәсми Бакы дөвләт рәсмисинин Арутјунјан илә ҝөрүшмәси хәбәрини һәләлик нә тәсдиг едир нә дә тәкзиб. Зира сепаратчы лидери танымаг истәмир вә онун һаггында ҹинајәт иши дә ачылыбдыр. Хатырладаг ки, Авропа Инсан Һүгуглары Мәһкәмәсиндә Азәрбајҹан әсирлијиндә олан 228 ермәни барәдә сорғулар јер алыр. Бу арада Ермәнистан мәһкумларын Азәрбајҹанла мүбадиләсиндә “һамынын һамыја” принсипини тәтбиг етмәјә разы олса да, әввәлки Азәрбајҹан әсирләрини гајтармаг истәмир. Үмумиликдә 10 феврал тарихиндән етибарән Русија сүлһмәрамлыларынын васитәчилији илә үмумиликдә 69 Ермәнистан вәтәндашы вә 16 азәрбајҹанлы вәтәнинә гајтарылыб.
342/
