АБНА24 Хәбәр Верир, Һосејн Әмир Әбдоллаһијан Ислам Ингилабынын Бөјүк Рәһбәринин Русија президентинә олан мәктубуна ишарә илә дејиб: Мүтәфәккир вә експертләрдән бири кими, дүнја сијасәтләри вә бејнәлхалг әлагәләр һәндәсәсиндән дүзҝүн дәркә малик олан Һәзрәт Ајәтуллаһулузма Хаменеинин бахышлары бу саһә үзрә мүтәфәккирләрин диггәт мәркәзиндә дураҹаг. О, даһа сонра дејиб: О һәзрәт тәрәфиндән бејнәлхалг мүһитдә ҹызылан јол хәритәси јени дүнја системинин формаја салынмасында јени идејалар кими изләнилир. Әмир Әбдоллаһијан даһа сонра сөјләјиб: Ислам Ингилабынын Бөјүк Рәһбәри вурғулајырлар ки, хариҹи сијасәтдә мүвазинәтли шәкилдә һәрәкәт етмәк лазымдыр, јәни истиглалијјәти горумаг үчүн һәм «Нә Шәрг, Нә Гәрб» сијасәтинә әмәл етмәлијик, һәм дә бүтүн дүнја илә хариҹи әлагәләри горујуб сахламалыјыг. Иран Ислам Шурасы Мәҹлиси сәдринин бејнәлхалг мәсәләләр үзрә хүсуси көмәкчиси сонра сөјләјиб: Иран парламенти сәдринин Москва сәфәринин вахтынын/ јени кирајәнешинләрин Ағ Ев-дә дахил олдуглары бир заман кәсијиндә сечилмәси, бу месажы Иранын мүттәфигләринә верир ки, Иран Ислам Республикасы бундан артыг Ағ Ев-ин нүвә анлашмасындакы ојунуну отуруб ҝөзләмәјәҹәк. Әмир Әбдоллаһијан дејиб: Һәзрәт Ајәтуллаһулузма Хаменеинин Путинә месажынын мүһүм вә дәгиг ҹәһәтләри вар иди вә јени бејнәлхалг мүнасибәтләрә әсасән, ики өлкәнин стабил вә стратежи мүнасибәтләринин мөһкәмләндирилмәси истигамәтиндә руслар үчүн мүһүм иди. Иран Ислам Шурасы Мәҹлисинин сәдри, Ислам Ингилабынын Бөјүк Рәһбәринин мүраҹиәтинин Русија президенти Владимир Путинә тәгдим едилмәси үчүн ону базар ертәси ҝүнү Русија Дөвләт Думасынын сәдри Вјачеслав Володинә тәһвил верди.
342/
