АБНА24 Хәбәр Верир, Һөҹҹәтулислам-вәлмуслимин Сејјед Ебраһим Рәиси Бәрһәм Салиһ илә ҝөрүшдә дејиб ки, Иран вә Ираг халгларынын пејвәнди ики өлкәнин сивилизасијасы, етигад вә инамларында көк салыб вә дүшмәнләрин истәкләринин әксинә олараг, ики өлкәнин халглары вә дөвләтләри арасындакы мүнасибәтләр ҝенишләнмәкдәдир. Иранын мәһкәмә һакимијјәтинин сәдри дејиб: ИШИД террорчулары илә мүбаризә саһәсиндә һәмкарлыг Иран вә Ираг халглары арасындакы әмәкдашлыг вә һәмрәјлијин реал символу олубдур. Рәиси һәмчинин шәһидләр Солејмани вә Әлмуһәндисин террору ишининин һүгуги ҹәһәтдән изләнилмәсинин сүрәтләндирилмәси ваҹиблијини вурғулајыб вә белә сөјләјиб: Бу ики шәһид терроризмлә мүбаризәнин гәһрәманы олуб вә Америка Ирагын суверенлијини позараг, онлары шәһид едибдир. Ираг президенти Бәрһәм Салиһ дә бу ҝөрүшдә Иран вә Ирагын көклү вә тарихи әлагәләринә ишарә едиб. Дејиб ки, мүстәгил вә суверен Ираг Иран үчүн мүттәфиг вә истинадҝаһ ола биләр. Ираг президенти һәмчинин өлкәсинин Иранла мәһкәмә мүнасибәтләринин мөһкәмләндирилмәсинә тәкид едиб. Билдириб ки, Ирагын мәһкәмә апараты ики өлкәнин һүгуги мәсәләләринин јахшы шәраитдә ирәлиләмәси үчүн Иранла әмәкдашлыг едир. Мәһбусларын азад едилмәләри, визанын ҝөтүрүлмәси, зијарәтин асанлашдырылмасы, ҹинајәткарлаын екстрадисијасы вә Иран вә Ирагын мәһкәмә апаратлары арасында тиҹарәт мәһкәмәләринин тәшкили Иранын мәһкәмә һакимијјәтинин сәдри илә Ираг президенти арасында кечирилән ҝөрүшдә галдырылан мәсәләләрдән олубдур. Һөҹҹәтулислам-вәлмуслимин Рәиси һәмчинин Ирагын али мәһкәмә шурасынын сәдри, баш назири вә парламент сәдри илә ҝөрүшүбдүр.
342/
