АБНА24 Хәбәр Верир, бу барәдә “Вар-Матин” гәзети билдириб. Коронавирус диагнозу узунөмүрлү гадына јанварын 16-да Тулондакы “Саинте Ҹатһерине Лабоурé” гоҹалар евиндә гојулуб. Нәшрин гејд етдији кими, Андре әввәлҹә һәтта вируса јолухдуғуну анламајыб. Хәстәлик онда симптомсуз олуб. Узунөмүрлү гадын ән чох өзүнү тәҹридетмә режиминдә јалгызлыгдан нараһат олуб вә гоҹалар евинин нүмајәндәсинә дејиб ки, хәстәликдән горхмајыб. Анҹаг башга кирајәнишинләр үчүн чох нараһатлыг кечириб. Лүсил Рандон 11 феврал 1904-ҹү ил анадан олуб. О, ҹаванлығында мүрәббијә ишләјиб. 41 јашында раһибә олуб вә Виши шәһәриндә хәстәханаја ишә дүзәләрәк јетимләрә вә гоҹалара көмәк етмәјә башлајыб. 1979-ҹу илдә о монастыра хидмәтә дахил олуб, 2009-ҹу илдә Тулонда гоҹалар евиндә јашамаға башлајыб. Рандон Франса вә Авропанын ән гоҹа сакинидир. Онун јашы сәнәдләрә әсасланараг тәсдиг едилиб.
342/
