АБНА24 Хәбәр Верир, Мәһәммәд Багир Галибаф бу ҝөрүшдә дејиб: "Ислам Ингилабынын Бөјүк Рәһбәринин Русија һөкумәтинә мәктубу ики өлкәнин стратежи әлагәләри чәрчивәсиндәдир". Галибаф Ислам Ингилабынын Бөјүк Рәһбәринин Иран-Русија мүнасибәтләринин дәринләшдирилмәси вә инкишафына, һабелә икитәрәфли әмәкдашлыг гурулушунун ҝенишләндирилмәсинә тәкид етдијинә тохунараг, Русијаја сәфәринин ән әһәмијјәтли һәдәфләриндән биринин, Теһран-Москва мүнасибәтләриндә глобал инкишафларын тәсири нәтиҹәсиндә дәјишиклијин баш вермәјәҹәјинә тәкид етмәк олдуғуну бәјан едиб. Мәһәммәд Багир Глибаф Иран Ислам Шурасы Мәҹлисинин сәдри олараг, илк хариҹи сәфәриндә, Русија Дөвләт Думасынын сәдри Вјачеслав Володинин рәсми дәвәти илә базар ҝүнү ахшам Москваја дахил олуб. Русија Думасынын сәдри дә бу ҝөрүшдә, Ислам Ингилабынын Бөјүк Рәһбәринин, икитәрәфли мүнасибәтләри мөһкәмләндирмәк үчүн хүсуси сәјләрини јүксәк гијмәтләндирәрәк, Али Мәгамлы Рәһбәрин мәктубуну ән тез бир заманда Владимир Путинә чатдыраҹағыны сөјләјиб.
342/
