АБНА24 Хәбәр Верир, Иран Ислам Республикасы Силаһлы Гүввәләринин Али Баш Команданы Һәзрәт Ајәтуллаһулузма Хаменеи бу ҝүн сәһәр ордунун һава гошунлары вә һава һүҹумундан мүдафиә гүввәләри командан вә командирләриндән бир групу илә ҝөрүшдә һәрби һава гүввәләринин ҝүнәш тәгвими илә 1357-ҹи ил бәһмән ајынын 19-да Имам Хомејни(р.ә.) илә тарихи бејәтини Ислам Ингилабынын гәләбәсинин әсас амилләриндән вә бөјүк һејранлыг јаратмаларындан бири, һәмчинин америкалыларын һесаблама хәтасынын ҝөстәриҹи адландырыб вә белә сөјләјибләр: Ингилабын бөјүк сүрәтли һәрәкәтинин давам етмәсинә лазым олан мәсәлә, халгын сәһнәдә иштиракы, интенсив сәј вә әмәк, хүсусән мәсул шәхсләр арасында сөз бирлији, илаһи вәдә инам вә әмәлдә милли ҝүҹ компонентләринин артмасыдыр. Ислам Ингилабынын Бөјүк Рәһбәри һәмчинин Американын сон биабырчы һадисәләри вә Трампын сүгутуну Бирләшмиш Штатларын сијаси вә иҹтимаи низам-интизамы, ҝүҹү вә абрынын тәнәззүл етмәси кими гијмәтләндирибләр. О һәзрәт авропалы вә америкалы мәсул шәхсләрин нүвә анлашмасы вә санксијалар барәдәки ифадәләринә ишарә илә вурғулајыблар: Америкалылар вә авропалылар һеч бир шәртгојма һаггына малик дејилләр, зира нүвә анлашмасындакы өһдәликләрини позублар вә шәрт гојмалы олан тәрәф, Иран Ислам Республикасыдыр, она ҝөрә ки, өз өһдәликләринә садиг галыбдыр. Һәзрәт Ајәтуллаһулузма Хаменеи сонра белә гејд едибләр: Иран Американын сөздә вә ја кағыз үзәриндә дејил, әмәлдә бүтүн санксијалары ләғв едәҹәји тәгдирдә вә бу ләғвин Иран тәрәфиндән сынагдан кечирилмәсиндән сонра нүвә анлашмасындакы өһдәликләринә ҝери дөнәҹәк. Бу, Иран Ислам Республикасынын гәти вә ҝеријәдөнмәз сијасәтидир; бүтүн мәсул шәхсләр бу барәдә фикир бирлијинә маликдирләр вә һеч кәс ондан ваз кечмәјәҹәкдир. Һәзрәт Ајәтуллаһулузма Хаменеи даһа сонра вурғулајыблар ки, Американын Иран гаршысындакы һесаблама хәтасы давам едир вә онлар Иран халгы барәдә дүзҝүн танышлыг вә дәркә малик дејилләр. О һәзрәт сонра белә дејибләр: Бу һесаблама хәтасынын бир нүмунәси, 88-ҹи илдәки фитнәдә өзүнү ҝөстәрди вә Американын демократ президенти иши битәрәҹәји хүлјасы илә рәсмән һәмин фитнәни һимајә етди. Ислам Ингилабынын Бөјүк Рәһбәри Ираны чөкдүрмәк мәгсәдли, мисли ҝөрүнмәмиш санксијалары, Американын һесаблама хәтасынын диҝәр бир нүмунәси адландырыб вә белә сөјләјибләр: Һәмин биринҹи дәрәҹәли ахмаглардан бири, ики ил бундан өнҹә демишди ки, 2019-ҹу илин јанвар бајрамыны Теһранда гејд едәҹәјик. Инди һәмин шәхсин өзү тарихин зибилликләринә атылыб вә онун башчысы да тәпик вә рүсвајчылыгла Ағ Ев-дән говулду,/ Иран Ислам Республикасы исә Аллаһ-Тааланын лүтфкарлығы илә башыуҹа шәкилдә дајаныбдыр. Һәзрәт Ајәтуллаһулузма Хаменеи һәмчинин сионист режим хүсусијјәт тәшкил етмәклә реҝионда Америкадан асылы олан режимләрин өзләрини вә башларыны итирмәләри вә ҹәфәнҝијјат сөјләмәләринин сәбәбини, онларын бејнәлхалг вә дахили мүһитләрдә Американын тәнәззүлү ҝерчәклијиндән горхуја дүшәрәк, изтираб кечирмәләри адландырыблар.
342/
