АБНА24 Хәбәр Верир, хәстәханаларда реанимасија вә интенсив терапија бөлмәләриндә бош чарпајынын олмамасы сәбәбиндән Инҝилтәрә Милли Сәһијјә Тәшкилаты ҝүндәлик сурәтдә орта һесабла отуз сәккизә јахын коронавирус хәстәсини бир хәстәханадан диҝәр бир хәстәханаја көчүрмәк мәҹбуријјәтиндә галыбдыр. «Гардиан» гәзети јазыб: Инҝилтәрә Милли Сәһијјә Тәшкилаты јанвар ајында хәстәханаларда реанимасија вә интенсив терапија бөлмәләриндә бош чарпајынын олмамасы сәбәбиндән мин јетмиш доггуз коронавирус хәстәсини бир хәстәханадан диҝәр бир хәстәханаја көчүрүб. Инҝилтәрәнин баш назири Борис Ҹонсонун сөзләринә ҝөрә, отуз ики миндән чох коронавирус хәстәси һәлә дә хәстәханаларда јатыр. Борис Ҹонсон өзүнүн сонунҹу чыхышында бу өлкә хәстәханаларынын ҸОВЫД-19 хәстәләри илә долмасына рәғмән, Инҝилтәрәдә бу хәстәлијә јолухма просесинин азалмаға доғру ҝетдјини иддиа етди. О, пејвәнд вурулмасынын давам етдирилмәсинин ваҹиблијини вурғулајараг билдирди ки, ҝәлән һәфтә бу өлкәдә коронавирусун вәзијјәтини арашдыраҹаг ки, лазым ҝәләрсә, јени гәрарлар гәбул едилмиш олсун. Үмумдүнја Сәһијјә Тәшкилатынын сајтында дәрҹ олунмуш статистикаја ҝөрә, Инҝилтәрәдә коронавирус епидемијасынын әввәлиндән бәри үч милјон 852 мин 627 нәфәр бу вируса јолухуб, 108 мин он үч нәфәр исә һәјатыны итириб. Инҝилтәрә коронавирусла әлагәдар өлүмләрин сајына ҝөрә дүнјада бешинҹи јери тутур вә јүз миндән чох ҸОВЫД-19 өлүмү статистикасына малик илк Авропа өлкәсидир.
342/
