АБНА24 Хәбәр Верир, Ҹозеп Боррелл дејиб: Өтән ил биз Иранла тиҹарәт мүбадиләсинә дәстәк механизминин инкишаф етдирилмәсинә чох вахт сәрф етдик, лакин бу механизмин сәмәрәлилији индијәдәк мәһдуд олубдур. О, сонра дејиб: Авропа Бирлији гануни тиҹарәт тәрәфдашлары илә малијјә хидмәтләринин ҹәрәјан етмәси мәгсәдилә јени һәлл јоллары тапмаг үчүн сәј ҝөстәрәҹәк. Боррел һәмчинин вурғулајыб: Иранла нүвә анлашмасы Авропа дипломатијасынын әсас наилијјәтләриндән бири иди, лакин бу анлашманын иҹрасы Американын ондан чыхмасы вә Трамп һөкумәтинин Ирана гаршы санксијалар тәтбиг етмәси сәбәбиндән бир суала чеврилиб. Атом Енержиси үзрә Бејнәлхалг Аҝентлијин Иранын нүвә анлашмасындакы бүтүн өһдәликләринә әмәл етдијини етираф етмәсинә бахмајараг, АБШ һөкумәти 2018-ҹи илдә биртәрәфли гајдада бу анлашмадан чыхды. Нүвә анлашмасында галмыш авропалы үзвләр, јәни Инҝилтәрә, Алманија вә Франса 2018-ҹи илин мај ајында, Американын бу анлашмадан чыхмасы илә бир заманда, кичик вә орта авропалы ширкәтләрин Иранла тиҹарәтини асанлашдырмаг үчүн хүсуси малијјә каналынын ишә салынмасы идејасыны ирәли сүрдүләр. Нәһајәт ајларла тәхирдән сонра 2019-ҹу илин јанварында рәсмән «ИНСТЕКС» адлы бу каналын ишә салындығы елан едилди, лакин индијәдәк бу малијјә каналы там шәкилдә иҹра олунмајыбдыр.
342/
