АБНА24 Хәбәр Верир, чәршәнбә ахшамы БМТ Тәһлүкәсизлик Шурасынын Фәләстин мөзусу илә кечирилән иҹласында Мәҹид Тәхти Рәванчи дејиб: "Сионист Исраил режими сон беш илдә БМТ Тәһлүкәсизлик Шурасынын 2231 сајлы гәтнамәсини ачыг шәкилдә позараг, Әһатәли Мүштәрәк Тәшәббүс Програмыны арадан галдырмаг үчүн һеч бир фүрсәти әлдән вермәјиб. Алдатма вә өзүнү мәзлум ҹилвә вермәк сионист Ираил режиминин хариҹи сијасәтиндә әсас приоритетә чеврилиб". "Бунлар Фәләстинлиләрә гаршы вәһшиликләрини вә ҹинајәтләрини өрт-басдыр етмәк вә бөлҝәдәки сабитлији позан һәрәкәтләри ҝизләтмәк үчүн истифадә олунур, бу сәбәбдән БМТ ТШ-ы Исраил режиминин кин-күдурәтли вә јаланларындан хәбәрдар олмалыдыр", дејә Тәхти Рәванчи әлавә едиб. О, вурғулајыб: "Сионист Исраил режиминин нүмајәндәси тәрәфиндән бу ҝүн БМТ Низамнамәсинин 2-ҹи маддәсини ачыг шәкилдә позараг ортаја чыхарылан тәһдид дә дахил олмагла өзүнүмүдафиә вә һәр һансы бир тәһдидә гаршы сәрт ҹаваб вермә һүгугуну өзүмүз үчүн горујуруг вә әлбәттә ки, Тәһлүкәсизлик Шурасы да бу ганунсуз режимин белә бир һәрәкәтләринә гаршы чыхмалыдыр.” Тәхти Рәванчи, бир даһа Иран Ислам Республикасынын Фәләстин халгынын амалларыны, һәмчинин фәләстинлиләрин Гүдси-Шәрифин пајтахтлығы илә Фәләстин өлкәсиндә өз мүгәддәратыны тәјин етмәсини вә мүстәгил Фәләстин дөвләтинин гурулмасыны дәстәкләдијини вурғулајыб.
342/
