АБНА24 Хәбәр Верир, Иран Ислам Республикасы президенти Һәсән Руһани Назирләр Кабинетинин иҹласында, игтисади мүбаризәдә Иран халгынын мүгавимәтини јүксәк дәјәрләндирәрәк, дејиб: "Иран халгынын гәләбәси вә бу игтисади мүһарибәдә дүшмәнин гәти мәғлубијјәтинин ән бөјүк тәзаһүрләриндән бири Трамп дөврүнүн сона чатмасыдыр". Руһани, АБШ-ын һазыркы президентинин һакимијјәт дөврүнүн сона чатмасы вә онун Иран халгына гаршы ҹинајәтләринә тохунараг, хатырладыб: "Трамп тарихдә Иран вә Фәләстин кими мүстәгил һөкумәтләр вә милләтләрә гаршы ән пис ҹинајәтләри төрәдиб". Иран президенти, һәмчинин Трампын бејнәлхалг гурумларда, һүгуги органларда, әхлаг мејарларында, дүнја иҹтимаијјәтиндә вә АБШ-ын иҹтимаи рәјиндә мәғлуб олмасыны онун президент сечкиләриндә накам галмасынын амилләри кими дәјәрләндириб вә әлавә едиб: "АБШ-ын нөвбәти һөкумәти кечмишдәки сәһвләри компенсасија етмәк үчүн АБШ-ын имиҹинә хәләл ҝәтирмиш бүтүн һәрәкәтләр гаршылығында бөјүк ишләр ҝөрмәлидир". Руһани сөзләринин давамында, Иран Ислам Республикасынын сијасәти олараг, өһдәлик гаршысында өһдәлик вә аддым гаршысында аддым принсипинә тохунараг, хатырладыб: "АБШ-ын ҝәләҹәк рәһбәрләриндә белә бир ирадә оларса, бәзи мәсәләләрин һәлли чох асан олаҹагдыр".
342/
