АБНА24 Хәбәр Верир, бу барәдә Азәрбајҹан Дөвләт Академик Милли Драм Театрынын мәтбуат хидмәтинин рәһбәри Ҹавид Зејналлы мәлумат вериб. О билдириб ки, бир нечә ҝүн әввәл хәстәханаја јерләшдирилән Әждәр Һәмидов инсултдан әзијјәт чәкирди. Әждәр Һәмидов 28 сентјабр 1953-ҹү илдә Шабран рајонунун Ајҝүнлү кәндиндә анадан олуб. 1979-ҹу илдә М.А.Әлијев адына Азәрбајҹан Дөвләт Инҹәсәнәт Институтунун драм вә кино актјорлуғу факүлтәсини битириб. О, Азәрбајҹан Республикасынын кино вә театр сәһнәсиндә мүхтәлиф жанрлы вә мараглы образлар јарадыб. Ә.Һәмидов 1990-ҹы илдә Академик Милли Драм Театрынын актјор һејәтинә гәбул едилиб. 2007-ҹи илдә Азәрбајҹан Телевизијасы илә нүмајиш етдирилән "Јохлама" адлы чохсеријалы телевизија филминдәки Мүфәттиш образы сәнәтчијә бөјүк уғур ҝәтириб. Әждәр Һәмидов 2002-ҹи илдә Азәрбајҹан Республикасынын Әмәкдар Артисти, 2018-ҹи илдә Азәрбајҹан Республикасынын Халг артисти фәхри адына лајиг ҝөрүлүб. Әждәр Һәмидов бу ҝүн Шабранда дәфн олунаҹаг. Актјор ата вә анасынын јанында дәфн олунмағыны вәсијјәт едиб.
342/
