АБНА24 Хәбәр Верир, Азәрбајҹан Республикасынын президенти Илһам Әлијев халга мүраҹиәтинин бир һиссәсиндә дејиб: "Бундан сонра тәбии ки, бу бөлҝәдә Азәрбајҹанын имканлары ҝенишләнәҹәк, о ҹүмләдән тәсир имканлары. Амма бизим имканларымыз јалныз әмәкдашлыға һесабланыб. Бу ҝүнә гәдәр јашадығымыз бу бөлҝәдә ҝөрдүјүмүз бүтүн ишләр әмәкдашлыға тәкан вериб. Бүтүн лајиһәләримиз - енерҝетика, нәглијјат, һуманитар лајиһәләримиз әмәкдашлығы дәринләшдирир. Биз бир дәнә дә сәһв аддым атмамышыг, мисал үчүн гоншумуза һансыса проблем јарада биләҹәк бир дәнә дә аддым атмамышыг. Она ҝөрә гоншу өлкәләрлә мүнасибәтләримиз нормалдыр, јахшыдыр. Дејә биләрәм ки, бир чохлары үчүн нүмунә ола биләр. Ермәнистанын гоншулары илә мүнасибәтләри неҹәдир? Азәрбајҹанла белә ишғал, Түркијәјә гаршы әрази иддиасы. Русијаја инди, неҹә дејәрләр, наразылыг ифадә едир. Мән буну билирәм ки, нә үчүн Иран үзәриндән силаһлары ҝәтирә билмәјибләр. Она ҝөрә ки, Иран бизим дост, гардаш өлкәмиздир. Она ҝөрә ки, бизим хаһишимизи нәзәрә алараг өз һава мәканыны бағлајыб. Она ҝөрә ки, истәмәјиб, онлар ҝәлиб азәрбајҹанлылары өлдүрсүнләр".
342/
