АБНА24 Хәбәр Верир, Иранын Хариҹи Ишләр Назирлијинин мәтбуат катиби Сәид Хәтибзадә бу ҝүн (28 октјабрын) бир мүраҹиәтдә, Јәмәнин Милли Гуртулуш һөкумәтинин Идман вә ҝәнҹләр назири вә Әл-Һагг партијасынын баш катиби "Һәсән Мәһәммәд Зејд"ә гаршы суи-гәсди гынајараг, бу өлкәнин халгы вә дөвләти, һәмчинин мәрһумун аиләсинә башсағлығы верәрәк, онларын кәдәрини бөлүшүб вә вурғулајыб: "Шүбһәсиз ки, бу горхаг суи-гәсд, Јәмәнә гаршы тәҹавүзкарларын диҝәр ҹинајәтләри кими, онларын јалныз бу өлкәнин дөзүмлү вә гәрарлы халгы гаршысында аҹизлији вә фиаскоја уғрадығынын ҝөстәриҹисидир". Иранын Хариҹи Ишләр Назирлијинин мәтбуат катиби хатырладыб: "Бу террор акты нәинки Јәмән халгынын ирадәси вә руһијјәсинә хәләл ҝәтирмәјәҹәк, һәмдә бу шүҹаәтли халгын һагг олдуғуну даһа чох ҝөстәрәҹәк". Јәмәнин идман вә ҝәнҹләр назири Һәсән Зејд дүнән сәһәр саатларында намәлум шәхсләр тәрәфиндән һәдәфә алынараг, гәтлә јетирилиб. Јерли мәнбәләр бу суи-гәсдин деталлары барәдә билдирибләр ки, мотосиклетә минмиш бир силаһлы шәхс Сәнанын ҹәнубунда јерләшән "Һуддә" бөлҝәсиндә Һәсән Зејдин автомобилинә доғру атәш ачыб. Мәлумата әсасән, Јәмәнин идман вә ҝәнҹләр назири Һәсән Зејд атәш ачма нәтиҹәсиндә јараланыб вә Сәна хәстәханаларынын биринә апарәләб, Лакин өнун һәјатыны хилас етмәк мүмкүн олмајыб.
342/
