АБНА24 Хәбәр Верир, Иран Ислам Шурасы Мәҹлисинин депутатлары бу ҝүн бир бәјанатда күфр башчыларынын Исламын јол ҝөстәрән месажы илә дүшмәнчилијинә тохунараг, дејибләр: "Сон ҝүнләр бүтүн дүнја, Франса һөкумәтинин, бу өлкә нәшрләриндән биринин Исламын әзиз пејғәмбәринә (с.ә.с) гаршы һәјасызҹасына һөрмәтсиз едәрәк, гејри-инсани һәрәкәтини дәстәкләмәклә өз шәр вә әһримән маһијјәтини неҹә сүбут етдијинин шаһиди олду". "Бу һөрмәтсизлик вә һәјасызлыг Франса һөкумәтини дәһшәтә ҝәтирән вә бу ҹинајәти төрәтмәјә вадар едән бу өлкә халгынын сүрәтлә Ислама јөнәлмәсинин гаршысыны алмаг үчүн һазырланан бөјүк бир планын тәркиб һиссәсидир", - дејә бәјанатда әлавә олунуб. Иран Ислам Шурасы Мәҹлисинин депутатлары ифадә азадлығы бәһанәси илә төрәдилән белә бир һәрәкәтләри азадлыға гаршы бөјүк бир зүлм кими дәјәрләндириб вә хатырладыблар: "Дүнја мүсәлманлары бир олараг, глобал күфр ҹәрәјаны гаршысында дајанаҹаг вә Исламын хиласкар месажыны бүтүн дүнјада сәсләндирәрәҹәкләр". Бу јахынларда франсыз нәшри "Шарли Ебдо" Ислам пејғәмбәринә гаршы тәһгирамиз тәсвирләри бир даһа нәшр едиб. Франса Президенти Еммануел МаКрон да дипломатија нормаларына вә демократија принсипләринә зидд олан бир ачыгламада, Франсанын Ислам Пејғәмбәринә (с) гаршы тәһгирамиз карикатуралары јајымламаға давам едәҹәјини сөјләјиб.
342/
