АБНА24 Хәбәр Верир, Һизбуллаһ тәрәфиндән верилән бәјанатда гејд олунуб: "Һизбуллаһ Мәһәммәд (с) пејғәмбәрә гаршы гәсдән едилән тәһгири кәскин шәкилдә гынајыр"; Франса президенти Еммануел Макронун карикатуралары јајымламагдан имтина етмәјәҹәјинә даир сөзләринә диггәт чәкиләрәк, Франса рәсми органларынын Рәһмәт пејғәмбәринә (с) гаршы һәгарәтләрә тәшвигедиҹи мүнасибәтинин гәбул едилмәјәҹәји вурғуланыб. Ислам дининә вә мүсәлманлара гаршы нифрәт чыхышларынын бу карикатураларла ҝери ҝәтирилдији билдирилән ачыгламада, белә гејд олунуб: "Франсадакы јајымлар, узун илләр Франса вә диҝәр Авропа өлкәләриндә јашајанлар да дахил олмагла 2 милјарддан чох мүсәлманын һиссләринә тәсир едир. Сахта ифадә азадлығы иддиалары ады илә гәбул едилә билмәз. Ислам Пејғәмбәринин (с) вә сәмави динләрин тәһгир олунмасына сәбәб ола билмәз. Франса сәлаһијјәтлиләрини динләрә һөрмәт етмәјә вә бејнәлхалг сәвијјәдә ҝәрҝинлијин даһа да артмасынын гаршысыны алмаға өз төһфәләрини вермәјә дәвәт едирик". Сон ики һәфтәдә Франса нәшриндә алчалдыҹы карикатуранын јајымланмасы Ислам ҹәмијјәтләрини гәзәбләндириб. Октјабрын 21-и Еммануел Макронун ифадә азадлығы бәһанәси илә бу һәрәкәти дәстәкләдији сөзләри гәзәби даһа да артырыб вә Әрдоған илә Имран Хан дахил олмагла бир чох өлкәдәки рәсмиләр Франса президентинин мөвгејини гынајыб.
342/
