АБНА24 Хәбәр Верир, сионист режимин тәһлүкәсизлик мәнбәји Судан илә Исраил режими арасында мүнасибәтләрин нормаллашдырылмасында әлдә олунан ирәлиләјишләри мүсбәт дәјәрләндириб вә дејиб: "Сәудијјә Әәрәбистаны Судана бәнзәр бир аддыма јахынлашмагдадыр". Сөзү ҝедән мәнбә, һәмчинин сионист режимин мүһарибә назири Бенни Гантс вә АБШ мүдафиә назири Марк Еспер арасында дүнән Вашингтонда кечирилән тәһлүкәсизлик иҹласында, тәрәфләрин Гәрби Асија реҝионунда сионист режимин һәрби үстүнлүјүнү горумагла бағлы АБШ-ын стратежи өһдәлијинә даир бир бәјанат имзаладыгларыны билдириб. Сионист режимин ҹасуслуг тәшкилаты МОССАД-ын сәдри Јосси Коһен бу барәдә дејиб: "Сәудијјә Әрәбистаны Тәл-Әвив илә мүнасибәтләри нормаллашдырманы АБШ-а һәдијјә етмәк үчүн бу өлкә сечкиләринин нәтиҹәләрини ҝөзләјир". Бирләшмиш Әрәб Әмирликләри вә Бәһрејн сентјабрын 15-дә Ағ Евдә АБШ президенти Доналд Трамп вә сионист режимин баш назири Бенјамин Нетанјаһунун иштиракы илә бу режимлә сазиш мүгавиләсини имзалајыблар.
342/
