АБНА24 Хәбәр Верир, Ҹејһун Бајрамов бу телефон сөһбәтиндә Ермәнистаны мүнагишәли Гарабағ бөлҝәсиндә ики өлкә арасында әлдә олунмуш икинҹи һуманитар атәшкәси позмагда иттиһам едиб. Бајрамов дејиб: Атәшкәсин елан олунмасына рәғмән, Ермәнистан гүввәләри Гарабағда Ҹәбрајыл рајону, еләҹә дә ики өлкә сәрһәдиндә јерләшән Ҝәдәбәј вә Товуз рајонлары истигамәтләриндә Азәрбајҹан Республикасы ордусунун мөвгеләринә һүҹум едибләр. Ҹозеп Боррел дә Авропа Бирлији сөзчүсүнүн ермәни гүввәләрин Ҝәнҹә шәһәринә гаршы ракет һүҹуму барәдәки бәјанатына ишарә илә, бу шәһәрдәки инфраструктурлара, биналара вә мүлки шәхсләрә гаршы һүҹумлары гәбуледилмәз адландырыбдыр. О, тәрәфләр арасында әлдә олунмуш атәшкәсә риајәт едилмәси вә бу мүнагишәнин һәлли үчүн әсаслы мүзакирәләрин башланмасы ваҹиблијини вурғулајыб. Ермәнистан гүввәләринин Азәрбајҹан Республикасынын икинҹи бөјүк шәһәри олан Ҝәнҹә шәһәринә гаршы ракет һүҹумлары нәтиҹәсиндә индијәдәк 22 нәфәр өлүб, 74 нәфәр исә јараланыбдыр.
342/
