АБНА24 Хәбәр Верир, өтән ҝүн Әбу-Һаммам вә әтраф бөлҝәләрдә етиразлар фонунда күрд бөлмәләринин башчылыг етдији “Сурија Демократик Гүввәләри”нә намәлум силаһлылар тәрәфиндән һүҹум едилиб вә 4 нәфәр өлүб. Бунун ардындан АБШ һәрби гүввәләри вә дәстәкләдији күрд бөлмәләри Дираззур әјаләтинин шәргиндә Шүһејл вә Зибан гәсәбәләриндә басгынлар һәјата кечирәрәк, јерли әрәб гәбиләләриндән хүсусиләдә әл-Укејдат гәбиләсинин үзвләриндән бир нечәсини һәбс едибләр. Гејд едәк ки, бу, Фәратын шәргиндә АБШ вә күрд бөлмәләринин нәзарәтиндәки әразиләрдә илк етираз далғасы дејил. Бундан өнҹә дә Фәратын шәргиндә АБШ гүввәләри вә күрд бөлмәләринин бөлҝәни тәрк етмәләри үчүн бир нечә дәфә етиразлар баш галдырыб.
342/
