АБНА24 Хәбәр Верир, Октјабрын 6-да Азәрбајҹан Республикасынын Мүдафиә Назирлијиндә Закир Һәсәновун рәһбәрлији илә хүсуси хидмәти мүшавирә кечирилиб. Мүшавирәдә ҹәбһәдәки сон вәзијјәт тәһлил олунуб вә Азәрбајҹан Республикасынын мүдафиә назири гошунлара азад олунмуш әразиләрдә һәјати әһәмијјәтли вә илкин зәрури тәдбирләрин ҝөрүлмәсинә ҝөстәриш вериб, бу барәдә Азәрбајҹан Мүдафиә Назирлијинин мәтбуат хидмәтинин мәлуматында дејилир. “Мүдафиә назири дүшмән тәрәфиндән “Исҝәндәр” әмәлијјат-тактики ракет комплексләринин тәтбиг олунаҹағы һалда адекват тәдбир ҝөрүләҹәјини билдириб. Назир Азәрбајҹан Ордусуна арсеналындакы јүксәк дәгигликли вә бөјүк дағыдыҹы гүввәјә малик силаһ нөвләрини тәтбиг етмәклә дүшмән тәрәфинин һәрби-стратежи инфраструктуруна бөјүк зәрбәләр ендирмәји планлашдырмағы әмр едиб”, дејә мәлуматда гејд едилир. Русија истеһсалы олан “Исҝәндәр-Е” ракет комплекси Ермәнистан тәрәфин ән ҝүҹлү силаһыдыр вә о, дәфәләрлә бу силаһдан истифадә едәҹәји илә һәдәләјиб. Бөјүк дағыдыҹы гүввәјә малик олан ракетләрин учуш мәсафәси 280 км-ә гәдәр чатыр.
342/
