Ајәтуллаһ Амили Гарабағда ҝедән сон дөјүшләр барәдә бәјанат јајыб

АБНА24 Хәбәр Верир, Ајәтуллаһ Сејјид һәсән Амили сон ҝүнләрдә Азәрбајҹан Республикасы вә Ермәнистан арасында ҝедән мүһарибә барәдә бәјанат јајараг Азәрбајҹан һөкумәтинин ишғал олунмуш торпаглары ҝери алмаға тәшәббүс етмәсини гануни һәрәкәт адландырмышдыр.

Бәјанатда охујуруг:

Бисмиллаһир-Рәһманир-Рәһим

الَّذِينَ إِذا أَصابَهُمُ الْبَغْيُ هُمْ يَنْتَصِرُونَ (شوری39)

وَ لَمَنِ انْتَصَرَ بَعْدَ ظُلْمِهِ فَأُولئِكَ ما عَلَيْهِمْ مِنْ سَبِيلٍ (شوری 41)

Вә о кәсләр үчүн ки, онлар зүлмә (тәҹавүзә) мә’руз галдыгда (һәдди ашмадан) интигам аларлар (залымдан зүлмү мүгабилиндә әвәз чыхар, ҹанијә дә етдији ҹинајәтин ҹәзасы нәдирсә, ону верәрләр). (Әш-Шура сурәси 39) Зүлмә мә’руз галдыгдан сонра (һәдди ашмадан) әвәзини чыханлара һеч бир ҹәза верилмәз (онларын һеч бир ҝүнаһы јохдур, уғрадыглары һагсызлығын әвәзини чыхмышлар).(Әш-Шура сурәси 39)

Азәрбајҹан һөкумәтинин гәсб олмуш торпаглары ҝери алмаға тәшәббүс етмәси там гануни вә шәр’идир вә бејнәлхалг нормалара әсасән һәр бир һөкумәтин өз әразисини мүдафиә етмәјә вә диҝәр өлкәләрдән јардым алмаға һаггы вар.

Биз ислами Иранда Ислам Ингилабынын фәлсәфәсинә әсасән мәзлуму мүдафиә етмәни вә залымла мүбаризәни өз дини, инсани вә ислами вәзифәмиз билирик.

Ислами Иран Гур’ани кәримин

“رَبِّ بِما أَنْعَمْتَ عَلَيَّ فَلَنْ أَكُونَ ظَهِيراً لِلْمُجْرِمِينَ”

Еј Рәббим! Мәнә бәхш етдијин не’мәт һаггы (ҝүнаһымы бағышламағына анд ичирәм ки) мән әсла ҝүнаһкарлара арха оламајаҹағам! (Әл-Гисәс сурәси 17-ҹи ајә) Вә

“وَلَا تَرْكَنُوا إِلَى الَّذِينَ ظَلَمُوا فَتَمَسَّكُمُ النَّارُ”

Зүлм едәнләрә (рәғбәт бәсләмәклә, көмәк ҝөстәрмәклә) мејл етмәјин, јохса сизә атәш тохунар (ҹәһәннәмлик оларсыныз). Сизин Аллаһдан башга достунуз (һимајәдарыныз) јохдур. Сонра сизә (дүнјада да, ахирәтдә дә Онун әзабындан һеч бир) көмәк олунмаз! (Һуд сурәсинин 113-ҹү ајәси)

Ајәләринә әсасән һеч вахт залымларын кәнарында дајанмајаҹаг.

Бу васитә илә сон гәләбәләр мүнасибәтилә бөјүк Азәрбајҹан халгыны тәбрик едир, Гарабағын бүтөвлүкдә азад едилмәсини Мүтәал олан Аллаһдан диләјирик.

Азәрбајҹан халгынын јаддашындан силинмәз ки ислами Иран һәр бир өлкәдән јүксәк олараг Азәрбајҹанын чәтин ҝүнләриндә, хүсусилә гарабағын ишғалынын илк ҝүнләриндә Азәрбајҹанын кәнарында олуб вә психи һүҹумлар, намәрдҹәсинә иттиһамлар вә јаланчы тәсвирләр ики халгы бири бириндән ајырмајаҹаг.

Бу иттиһамлар, ујдурмалар вә ҝеҹәли ҝүндүзлү мәкирләр ики халг арасындакы дәрин бағлылыглар горхусундан вә чин олмајаҹаг рөјалара чатмаг нијјәтиндән мәншә алыр.

Шүбһәсиз “Азәрбајҹана тәмәннасыз јардымлар” Ирана мәхсусдур вә Ирана мәхсус да галаҹаг.

Һәгга ки Азәрбајҹан халгы дәрракәли вә зәкалыдыр вә гејд олунан нүктәјә һәр кәсдән даһа артыг вә даһа јахшы вагифдир.

Мүтәал олан Аллаһдан Гарабағын бир милјон мүсәлман дидәрҝин вә гачгыны үчүн тезликлә өз вәтәнинә ҝери дөнмәсини, гарабағ ҹәбһәсиндәки һагг мүдафиәчиләринә сәһһәт, саламатлыг, фәтһ вә зәфәр, бу дәјәрли мүдафиә шәһидләри үчүн үлви вә јүксәк дәрәҹәләр диләјирәм.

Сејјид Һәсән Амили

7 Меһр 1399 (28 Сентијабр 2020)

Әрдәбил



342/