АБНА24 Хәбәр Верир, буну Азәрбајҹан Республикасы президенти Илһам Әлијев Алманија Канслери Анҝела Меркел илә телефон сөһбәти заманы билдириб. Президент Илһам Әлијев Ермәнистан-Азәрбајҹан тәмас хәттиндә һадисәләрин ҝедиши илә марагланан Алманија Канслерини Азәрбајҹана гаршы төрәдилән һәрби тәхрибат вә Азәрбајҹан тәрәфинин әкс-һүҹум әмәлијјаты барәдә мәлуматландырараг гејд едиб ки, Ермәнистан баш назиринин “Гарабағ Ермәнистандыр вә нөгтә” бәјанаты данышыглар просесини мәнасыз едир. Ермәнистан рәһбәрлијинин Азәрбајҹандан дырнагарасы “Дағлыг Гарабағ республикасы” илә данышыглар апармасы тәләби данышыглар форматынын дәјишдирилмәси ҹәһди кими гијмәтләндирилмәлидир. Ермәнистанын мүдафиә назири Азәрбајҹаны јени торпаглар уғрунда јени мүһарибә илә һәдәләјиб вә бу план реаллыгда һәјата кечирилир. “Ермәнистанын һәрби тәхрибаты илә бағлы һадисәләрин ҝәләҹәк инкишафына ҝөрә мәсулијјәт Ермәнистанын сијаси вә һәрби рәһбәрлијинин үзәринә дүшүр. Азәрбајҹан Ордусу өз торпагларында вурушур вә Ермәнистан ордусу Азәрбајҹан торпагларында олмамалыдыр”, - дејә Президент Илһам Әлијев вурғулајыб.
342/
