АБНА24 Хәбәр Верир, бу сөзләри Иранын БМТ-дәки сәфири вә даими нүмајәндәси Мәҹид Тәхт Рәванчи АБШ президенти Доналд Трампын БМТ Баш Ассамблејасынын 75-ҹи сесијасында етдији чыхыша мүнасибәт билдирәрәкән дејиб. Мәҹид Тәхт Рәванчи АБШ президентинин сөзләринә реаксија олараг дејиб: Үмумиликдә Трампын сөзләри тәкрар характер дашыјырды вә јени һеч бир шеј јох иди. Вә Американын һазырда президент сечкиләри әрәфәсиндә олдуғуну нәзәрә алсаг, Трампын сөзләри даһа чох сечиҹиләрин диггәтини ҹәлб етмәк мәгсәдилә дахили аудиторијаны мүхатәб гәрар вермишди. Иранын БМТ-дәки сәфири әлавә едиб: Бизим үчүн өнәмли олан АБШ-ын бејнәлхалг өһдәлиләрә әмәл етмәсидир. Кимин президент олуб-олмајаҹағына даир гәрар исә бу өлкә халгына аид олан мәсәләдир. Иран президенти Һәсән Руһани дә өз чыхышында АБШ-ын дахили мәсәләләри вә сечкиләри илә бағлы Иран үзәриндән манипулјасија едилмәсини јолверилмәз адландырыб вә дејиб: Кимин һакимијјәтә ҝәлмәсиндән асылы олмајараг, АБШ һөкумәти сонда Иран халгынын ирадәсинә тәслим олаҹаг.
342/
