АБНА24 Хәбәр Верир, буну Иран Силаһлы Гүввәләринин Баш Гәрарҝаһы Мүгәддәс Мүдафиә Һәфтәси мүнасибәтилә јајдығы бәјанатда билдириб. Иранын Силаһлы Гүввәләринин Баш Гәрарҝаһы 8 иллик Мүгәддәс Мүдафиәнин дәјәрли тәҹрүбәләрини өлкәнин өнләјиҹилик габилијјәтинин јүксәлдилмәси үчүн стратежи еһтијаҹлара ҹавабдеһ вә сионист режимин мәһв едилмәси үчүн бир башланғыҹ кими дәјәрләндириб. ИРИБ-нин мәлуматына ҝөрә, Иранын Силаһлы Гүввәләринин Баш Гәрарҝаһы бир бәјанатда Мүгәддәс Мүдафиәнин 40 иллијини әзиз тутараг, бәјан едиб ки, ҹәмијјәтдә мүгавимәт руһунун ҹәрәјан етмәси Ислам Ингилабыны һәмишә чағырышлар, бөһранлар вә гәбул етдирилмиш проблемләр хүсусилә санксијалар вә мүстәмләкәчиләрин тәһдидләри гаршысында горујуб вә Иранын мүдафиә характерли өнләјиҹилик габилијјәтини јүксәк сәвијјәјә чатдырыб вә ҝеҹә јухусуну дүнја мүстәләкәчиләри вә һеҝемончу гурулуша һарам едиб. Ҝүнәш тәгвими илә Шәһривәр ајынын 31-и Иран тәгвиминдә Мүгәддәс Мүдафиә Һәфтәсинин илк ҝүнүдүр. Ирагын деврилмиш диктатору Сәддам режиминин тәҹавүзкар ордусу 1361-ҹи ҝүнәш или Шәһривәр ајынын 31-и 1980-ҹи милади или сентјабр ајынын 22-и Теһраны бир һәфтә әрзиндә фәтһ едәҹәји хүлјасы илә мүхтәлиф силаһлардан истифадә едәрәк, Ирана гаршы ҝениш һүҹумлара башлады.
342/
