АБНА24 Хәбәр Верир, "Политиҹо" сајты сон заманлар АБШ-ын кәшфијјат даирәләри вә өлкә рәһбәрлијинә јахын адамлара истинадла Иранын ҝенерал-лејтенант Гасым Сүлејманинин шәһид едилмәсинин интигамыны алмаг үчүн АБШ-ын Ҹәнуби Африкадакы сәфирини террор етмәји планлашдырдығыны иддиа едиб. АБШ президенти Доналд Трамп да "Политиҹо" сајтынын бу иддиасына реасија олараг АБШ-ын мараглары әлејһинә истәнилән һәрәкәти мин гат даһа ағыр шәкилдә ҹавабландыраҹағыны дејиб. Иран Ислам Ингилабы Кешикчиләри Корпусу Сепаһ-ын баш команданы ҝенерал-мајор Һүсејн Сәлами шәнбә ҝүнү Теһранда Сепаһ-ын Баш Гәрарҝаһ вә Мәркәзи Офис ишчиләринин өнүндә дејиб:Ҝенерал-лејтенант Гасым Сүлејманинин шәһид едилмәсиндә бирбаша вә ја долајысы илә әли олан бүтүн шәхсләр Ислам Республикасынын һәдәи олаҹаглар вә бу ҹидди бир месаждыр. Ҝенерал-мајор Сәлами һәмчинин,Трампын "ҹавабымыз мин гат даһа ағыр олаҹаг" иддиасына реаксија олараг дејиб: Дүшмән истәнилән нөгтәдә Иран гүввәләринин нәзарәти алтындадыр вә лазым ҝәләрсә һәдәфә дә чеврилә биләрләр. Сепаһ-ын баш команданы Трампа хитабән дејиб: Әҝәр бир иранлынын белә сачына зәрәр ҝәләрсә, Сепаһын амансыз ҹавабы илә үзләшәҹәксиниз вә бу ҹидди бир тәһдиддир. Иранлылар һәр шеји практикада сүбут едрләр." Ҝенерал-мајор Сәлами даһа сонра дејиб: Әҝәр Иран Ислам Ингилабы олмасајды, АБШ дүнјаны "ударды". Ислам Ингилабы АБШ-ы ашындырды. Вә бу ҝүнкү Америка сијаси активликдән узаг дүшмүш ҝүҹсүз вә тәсирсиз бир васитә кими мүбаризә мејданында мәғлуб едилмиш тәрәфдир. Сепаһ-ын баш команданы АБШ-ын итирилмиш имиҹинин јенидән бәрпа едилмәсинин имкансыз олдуғуну дејәрәк, әлавә едиб: Бу ҝүн АБШ-ын дүнјадакы пајы азалмагдадыр. Вә јени гүдрәтләр формалашыр. Ислам сивилизасија ролуну ифа етмәклә јени бир гүдрәт кими заһир олубдур.
342/
